تازه خبرونه
افغان څارونکي پر پاکستان باورکول لویه تېروتنه بولي
د پاکستان د پوځ لوی درستیز قمرالدین باجوه په کابل کې له افغان ولسمشر محمد اشرف غني سره ژمنه کړې، چې له سخت دریځو سره به مبارزه کوي.
د پاکستان د پوځ په اعلامیه کې راغلي، چې قمرالدین باجوه افغان ولسمشر ته ډاډ ورکړی، چې د سولې په برخه کې به له افغانستان سره همکاري کوي.
افغان څارونکي بیا د قمرالدین باجوه سفر د پاکستان د ژورې ستراتیژۍ برخه ګڼي او وايي، چې افغان چارواکي باید ځیرک واوسي.
په پاکستان کې پخوانی افغان ديپلومات احمد سعیدي وایي، د پاکستان لوی درستیز د امریکا د فشارونو په پایله کې افغانستان ته راغلی؛ دا هېواد به له افغانستان سره همکاریو ته هیڅکله تیار نشي؛ خو مونږ باید ډېر ځیرک اوسو.
ځيني پخواني افغان پوځيان هم په دې باور دي، چې پاکستان د افغانستان په اړه خپل سیاست نه دی بدل کړی.
دوی هم پر پاکستان باور کول لویه تېروتنه بولي.
پوځي کارپوه عتیق الله امرخېل وایي، دا لکه لمر ښکاره ده، چې پاکستان به هیڅکله د افغانستان په اړه خپل سیاست ته بدلون ورنکړي. افغان مشران او رهبران باید داځل په خپلو کړنو کې د اسلام آباد د غولونې ښکار نشي.
د ولسي جرګې غړي، چې پر پاکستان سخت بې باوره دي وايي، چې افغان چارواکي باید د پاکستان له سیاستونو سره په خورا احتیاط چلند وکړي.
د ولسي جرګې غړی عبیدالله بارکزی وایي، پاکستان تل دوه ګونې لوبې کړي. زه له افغانانو او حکومته غواړم، چې له پاکستان څخه دې سوله نه غواړي؛ خپله دې له طالبانو سره سولې ته زمینه برابره کړي.
د افغانستان د ملي امنیت پخوانیو ريیسانو امرالله صالح او رحمت نبیل ویلي، چې د امریکا د فشارونو له کبله د پاکستان لوی درستیز کابل ته راغلی دی.
دوی زیاتوي، چې د پاکستان د لوی درستیز سفر د افغانستان په اړه د پاکستان د ستراتیژۍ د بدلیدو معنا نه ورکوي.
دواړو په ډاګه کړې، چې پاکستان به له یوې خوا په افغانستان کې خپلو خونړیو بریدونو ته دوام ورکړي او له بلې خوا به له امریکا څخه د باج اخیستو هڅې کوي.
د پاکستان لوی درستیز لومړنی پاکستانی چارواکی دی، چې د امریکا د نوې تګلارې له اعلام وروسته کابل ته راځي. په دې تګلاره کې څرګنده شوې، چې د ترهګرو او طالبانو ځالې په پاکستان کې دي او تر هغې به په سیمه او افغانستان کې سوله رانشي، چې دا ډلې له مخې لیرې نشي.
خبریال: فواد ناصري
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه1 day ago
راشد خان د افغان بیسیم سوداګریز سفیر شو