تازه خبرونه
افغان حکومت پاکستان ته استخباراتي معلومات سپارلي
افغان حکومت پاکستان ته استخباراتي معلومات سپارلي، چې له مخې یې د ترهګرو هغه مرکزونه په نښه کړي، چې ترې ستر ترهګریز بریدونه سمبالیږي.
کابل ته د امریکایی سناتورانو له راتګ وروسته ولسمشرۍ ماڼۍ وویل؛ ولسمشر غني منلې، چې د امریکا او چین تر څار لاندې د دیورند کرښې په دواړو غاړو کې د ترهګرو خلاف عملیات تر سره شي. افغان حکومت پاکستان ته د افغانستان پر امریکایی پوهنتون، د سردار محمد داوود خان پر څلور سوه بستریز روغتون، د سالم ایزدیار د جنازې پر مراسمو او د کندهار پر میلیمستون د وروستیو بریدونو په تړاو پاکستان ته استخباراتي معلومات ورکړي او د حکومت په وینا؛ د دې بریدونو عاملین، چې پاکستان کې دي، باید پر ضد یې اقدام وشي. دغه راز کابل له اسلام آباد غوښتي، چې د ترهګرو پېنځه اتیا مرکزونه او مشران او مدرسې، چې په کې د افغانستان ضد ترهګر روزل کیږي، په نښه شي.
د ولسمشر د ویاند مرستیال دواخان مینه پال وایي، ولسمشرۍ ماڼۍ له پاکستان څخه غوښتي، چې په کوټه کې د طالبانو رهبري شورا، په میرام شاه، پیښور او کراچۍ کې د طالبانو مشران وځپي او هغه هېواد ته یې دغه راز د طالبانو د پېنځه اتیا مرکزونو او مشرانو نوملړ سپارلی دی.
نوموړی زیاتوي، چې له افغانستان سره د پاکستان د همغږو عملیاتو پایلې باید د امریکا او چین لخوا تائید شي او افغان حکومت هم د افغانستان په هغو سیمو کې عملیات تر سره کړي، چې د پاکستان د ادعا مخې په کې د پاکستان ضد عملیات پلانیږي.
افغانستان دغه راز غوښتي چې که سرحد کې د ترهګرو خلاف عملیات کوي، او هغوي پاکستان ته تښتي، پاکستان یې باید په هماغه مهال له منځه یوسي. پاکستان هم غوښتي چې د ملا فضل الله ډله او حزب الاحرار په نښه کړي.
د هغه په وینا؛ د کابل او اسلام آباد اړیکو کې پرمختګ له دې سره تړلی، چې پاکستان د ترهګرو خلاف عملي ګامونه پورته کړي. اوس افغان پوځي چارواکي د دواړو هېوادونو تر منځ د کیدونکیو همغږو عملیاتو پر کړنلار کار کوي.
په افغانستان کې د ډېرو خونړیو بریدونو د عاملینو په تړاو پاکستان ته استخباراتي معلومات ورکړشوي. د کندهار ولایت د مقام پر میلمستون له برید وروسته افغان حکومت وموندله، چې دغه برید د قاري احمد په مدرسه کې پلان شوی و، ولسمشر له دې برید وروسته د پاکستان د پوځ د هغه مهال لوی درستیز راحیل شریف ته د دې مرکز په اړه معلومات ورکړي وه، چې پر ضد یې پوځي ګام پورته شي؛ خو پاکستان اقدام ونه کړ.
پوځي کارپوه جاوید کوهستانی وایي، د دغو عملیاتوپایلې بې پایلې دي. افغانستان باید پاکستان ته اوپراتیفي معلومات ورنه کړي؛ ځکه، چې دا هېواد یې ترهګرو ته ورکوي.
پوځي کارپوه عتیق الله امرخېل وایي، دا عملیات پرته له دې، چې پر طالبانو فشار راوړي، چې له هغه هېواده افغانستان ته راولیږدول شي بله پایله نه لري.
پاکستان او افغانستان ته د امریکایی سناتورانو له سفر وروسته د دیورند کرښې په دواړو خواوو کې د ګډو عملیاتو په تر سره کیدو هوکړه وشوه. تېر کال په لندن کې د افغانستان، پاکستان، او بریتانیا په درې اړخیزه غونډه کې هم ورته هوکړه شوې وه؛ خو په دې عملیاتو کې د امریکا د څارنې لپاره د نوازشریف رایه منفي وه.
تازه خبرونه
تېر ۲۰۲۳ کال د افغانستان د خلکو لپاره د سترو ننګونو کال و -راپور
په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.
په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.
ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.
د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.
ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بېوزلۍ کې ژوند کوي.
دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.
تازه خبرونه
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
د خوړو نړيوال پروګرام ویلي، چې تېر کال يې په افغانستان کې د سيمهييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.
د دې پروګرام د افغانستان برخې د چارشنبې پر ورځ (د وري نههویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.
دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.
د خصوصي سکتورغړي هم وايي؛ د خوړو نړیوال پروګرام لهخوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان له فقر او اقتصادي بحران څخه وژغوري.
دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.
تازه خبرونه
په بیجینګ کې د چین او افغانستان درېیمه اقتصادي ناسته تر سره شوه
په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.
د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.
دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.
د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.
افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.
چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.
د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.
د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.
دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.
افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.
ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.
-
لوبی5 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي4 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
نړۍ3 days ago
امريکا او متحدین یې پر ايران د نورو بنديزونو لګولو هڅې کوي
-
تازه خبرونه5 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
تازه خبرونه4 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
لوبی3 days ago
آریانا ټلویزیون د ۲۰۲۴ پاریس المپیک سیالیو د خپراوي حق ترلاسه کړ
-
سیمه ییز خبرونه3 days ago
سعودي عربستان به په پاکستان کې پر بېلابېلو پروژو پانګونه وکړي
-
تازه خبرونه4 days ago
پاکستان بلوچستان میشتو افغانانو ته د وتلو ګواښ وکړ