تازه خبرونه
افغانستان ته د نورو سرتېرو شمېر د ګواښونو له کچې سره تړاو لري
د افغانستان ملي دفاع وزارت سرپرست وایي، افغانستان ته د نورو امریکایي او ناتو استول کیدونکیو سرتېرو د شمېر ټاکل په دې هېواد کې د ګواښونو له کچې سره تړاو لري.
د ناټو د دفاع وزیرانو په غونډه کې افغانستان ته د نورو زرګونه سرتېرو پر استولو خبرې وشوې. دغه راز هوکړه وشوه، چې افغان ځانګړي ځواکونه دې پیاوړي، هوایي ځواک ته دې هم نورې الوتکې او چورلکې په واک کې ورکړشي؛ خو اوس هم معلومه نه ده، چې څومره بهرني سرتېري به افغانستان ته را لیږل کیږي؟
د ملي دفاع وزارت سرپرست تورن جنرال طارق شاه بهرامي وایي، د ګواښونو کچې ته په کتو به پرېکړه وشي، چې څومره سرتېري باید افغانستان ته راولیږل شي.
هغه په ډاګه کړه، چې یوشمېر هېوادونو افغانستان ته د خپلو سرتېرو او مشاورانو زیاتول منلي دي.
د نوموړي په وینا؛ د کابل– واشنګتن د ګډې پرېکړې له مخې به په څو اوونیو کې معلومه شي، چې څومره بهرني سرتېري افغانستان ته واستول شي.
د ناتو دفاع وزیرانو د افغانستان څلور کلن امنیتي پروګرام هم تائید کړی او د دې پروګرام د پلي کولو لپاره یې د ملاتړ او همکاریو ژمنې کړي دي.
د ملي دفاع وزارت سرپرست بهرامي وایي؛ د ناتو او افغان ځواکونو اوږه په اوږه همکاري به د دې سبب شي، چې ترهګر ژر په افغانستان کې له ناکامي سره مخ شي.
د نوموړي د وینا له مخې؛ د ناتو ټولو هېوادونو د مالي مرستو ژمنه وکړه او د افغانستان څلورکلن امنیتي پلان یې ومانه، چې یې په اړه د همکارۍ او ملاتړ غږونه پورته کړل.
افغانستان ته په داسې حال کې د زرګونه نورو بهرنیو سرتېرو د استولو خبره کیږي، چې په دې هېواد کې د ترهګرو شاوخوا شل ډلې د نظام په وړاندې جنګیږي.
که څه هم د ګواښونو کچه لوړه ده؛ خو د کورنیو چارو وزارت سرپرست ویاند نجیب دانش وایي، افغانستان ته نوي استول کیدونکي بهرني سرتېري به په جګړو کې برخه وانخلي؛ یوازې به د ښوونې او مشورې چارې تر سره کوي او د جګړې ډګر ته نځي.
د ناټو د دفاع وزیرانو پریکړې د افغان حکومت له هرکلي سره مخامخ شوي دي. اجرایی رییس عبدالله عبدالله خپلې فیس بوک پاڼه کې لیکلي چې له افغان حکومت او خلکو څخه د همکاریو د دوام ژمنې وښوده چې نړیوال د افغانستان په وړاندې کلکه اراده او ژمنه لري.
ناټو له افغانستان څخه د دوامدار ملاتړ په بدل کې په امنیتي بنسټونو کې له فساد سره د مبارزې او اصلاحاتو غوښتنه کړې او حکومت هم په دې اړه سمونونو او اصلاحاتو ته ژمن دی او په امنیتي بنسټونو کې د بنسټیزو سمونونو د رامنځته کیدو ډاډ ورکوي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه15 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ13 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سوداگري1 day ago
د اوسپنې پټلۍ له لارې ترکیې ته د افغانستان صادرات پیل شول