تازه خبرونه
افغانستان، پاکستان او چین د سولې خبرو د بیا پیل پر بهیر موافقه کړې
افغانستان، پاکستان او چین موافقه کړې، چې د کابل او اسلام آباد ترمنځ د اړیکو پر ټولو اړخونو د بهرنیو چارو وزیرانو په کچه د خبرواترو بهیر پیل کړي.
د چین د بهرنیو چارو وزیر وانګ يي د پاکستان د لومړي وزیر له سلا کار سرتاج عزیز سره په یوه خبري ناسته کې ویلي؛ افغانستان ته یې وروستي سفر د دغه هېواد او پاکستان په غوښتنه کړی، چې د دواړو هېوادونو اړیکو د جوړولو لپاره یوې پا یلي ته ورسیږي او شته ستو نزو ته یې د حل لار پیداکړی.
د نوموړي په وینا؛ د چین هېواد د رهبرۍ پر لار ښوونه مي دا سفر پیل کړي، چې د پاکستان اوافغانستان د چارواکونظرونه واوریدل شي او حالت له نږ دي و ارزول شي او مونږ به د خپل توان په اندازه مرسته وکړو.
د پاکستان د لومړي وزیر سلا کار سرتاج عزیزهم د افغانستان او پاکستان ترمنځ د ستونزو د حل په موخه د نوې کړنلارې له جوړیدو خبر ورکړی.
نوموړی وایي؛ دا موافقه هم وشوه، چې د افغانستان او پاکستان ترمنځ د دوه اړخیز کړکیچ د کنترول میکانیزم به جوړېږي .
د افغانستان پخوانی ولسمشر حامد کرزی وايي، که چین په افغانستان کې سوله غواړي؛ نو باید د نړۍ له لویو قدرتو نو سره خبري وکړي.
د افغانستان پخوانی ولسمشر حامد کرزي په ډاګه کړې، چې چین په افغانستان کي سوله غواړي؛ د دې لپاره، چي خپل لوی اقتصادي پروګرام(یو سړک او یو کمربند) پلی کوي. په دې پروګرام کې افغانستان یو له اساسی عناصرو دی، چي پاید په کي سوله تامین وي.
د سیاسی چارو یو شمېر کتونکي دې هوکړې ته د شک پر سترګه ګوري.
د سیاسي چارو شنونکی نصرت الله حقپال وایي، پاکستان د امریکا تر فشار لاندې دی او د افغانستان د جګړې د پای ته رسولو لپاره د امریکا په نوې جوړیدونکې ستراتیژۍ کې پاکستان ته، چې د جګړې د دوام اصلی عامل ګڼل کېږي، پام زیات اړول شوی؛ ممکن دغه هېواد بیا د وخت د ضایع کولو په لټه کې وي.
د چین د بهرنیو چارو وزیر له دې مخکې په کابل کې له افغان مشرانو سره خبرې کړې وې، چې د دواړو هېوادونو ترمنځ د دوه اړخیز کړکیچ د کنټرول میکا نیزم به جوړېږي او د دواړو هېوادونو ترمنځ به د هرراز بېړنۍ قضیې د حل لپاره له ځنډ پرته اغېزناکه هوکړه کوي.
خبریال: اسلم حجاب
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټرۍ ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه وه.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه5 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې