تازه خبرونه
افغانستان د سیمې او نړۍ په استازیتوب د جګړې په لومړۍ کرښه کې دی- غني
د شانګهای سازمان اووه لسمه سرمشریزه نن د قزاقستان په پلازمېنه آستانه کې تر سره شوه. ولسمشر محمد اشرف غني سرمشریزې ته په خبرو کې د ترهګرۍ خلاف پر ګډې مبارزې ټینکار وکړ او ویې ویل، چې افغانستان د نورو هېوادونو په استازیتوب د جګړې لومړۍ کرښه کې دی.
افغان ولسمشر محمد اشرف غني په بشپړ ډاډ څرګنده کړه، چې افغانستان د نړۍ د زیاترو هېوادونو په استازیتوب د جګړې په لومړۍ کرښه کې د جګړې په حال کې دی. مونږ مړه کیږو څو له تاسو ساتنه وکړو، شل ترهګرې ډلې زمونږ د خلکو، زمونږ د ټولنې او زمونږ د دولت په وړاندې جنګیږي.
زه راغلی یم، چې په بشپړ ډول اعلام وکړم، چې حاضر یو د هغو ترهګرو خلاف له تاسو سره همکاري وکړو، چې مونږ او تاسو ټول ګواښي. هیله لرم، چې تاسې د ترهګرۍ او نشه یی توکو خلاف په مبارزه کې له یوې رڼې تګلارې ملاتړ وکړئ. تاسې باید په دې برخه کې هم همکاري اعلام کړئ، چې جنګیالي مو زمونږ هېواد ته را نه شي.
ولسمشر غني د ترهګرۍ خلاف په مبارزه کې د شانګهای سازمان له تګلارې هرکلی کوي او وایي، چې له یوه سیمه ییز بحث څخه په دې برخه کې ملاتړ کوي.
د هغه په وینا؛ مونږ د شانګهای سازمان له تګلارې، چې د ترهګرو خلاف په مبارزه کې برابره شوې، هرکلی کوو. مونږ یوې تګلارې ته اړتیا لر،و چې په اساس یې هغه هېوادونه هم په نښه شي، چې ترهګر روزي، د هغوي لپاره مالي سرچینې برابروي او دې ته هم اړتیا لرو، چې د نړیوالو ترهګرو د مخنیوي لپاره یوه تګلاره جوړه کړو.
ولسمشر په کابل کې وروستیو پیښو ته په نغوته(اشاره) کې وویل، دغه پېښې نه یوازې د افغانانو خلاف وې، بلکې د ویانا کنوانسیون خلاف هم وې.
هغه په ډاګه کړه، چې زمونږ خلک د عدالت غوښتنه لري. مونږ هیله من یو، چې مشخصې او سیستماتییکې کړنلارې وکړای شي زمونږ خلکو او د ترهګرۍ نورو قربانیانو ته ډاډ ورکړي، چې مونږ کولی شو له دې آفته وژغورل شو.
ولسمشر غني د شانګهای سازمان د سرمشریزې په څنډه کې د پاکستان له لومړي وزیر نوازشریف، د چین او تاجکستان له ولسمشرانو شي جین پینګ او امام علي رحمان، د ایران د بهرنیو چارو له وزیر جواد ظریف او د دې سازمان د غړیو هېوادونو له چاوراکو سره کتلي دي.
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه5 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې