Connect with us

تازه خبرونه

افغانستان اته اعشاریه شپږ میلیارد دالر پولي زیرمه لري

خپور شوی

د

(Last Updated On: لړم ۳, ۱۴۰۱)

د افغانستان بانک مسوولینو ویلي؛ توانیدلي، چې د افغانستان بانک د اسعارو زیرمه اته اعشاریه شپږ میلیارد دالروته لوړه کړي.

د افغانستان بانک سر پرست وحید نوشیر وايي، چې د افغانستان بانک د اسعارو برخه تر ټولو لوړې کچې ته رسیدلې ده.

هغه زیاته کړې، چې دا د بانک د کار کوونکیو په ډېرو هڅه دې کچې ته رسیدلې ده.

د نوموړي د څرګندونو له مخې؛ دغه رقم  رښتینی او حقیقي دی او د دې کچې د نورو لوړولو لپاره هم تدابیر نیول شوي دي.

ښاغلي وحید نوشېر څرګنده کړې؛ پدې پیسو له هېواده  بهر پانګونه شوې، چې له دې لاري افغانستان بانک ته خورا لوړ عواید سپارل کیږي.

نوموړي دا ټینګار هم کړی، چې د افغانستان بانک د اسعارو زخیره به نوره هم  لوړه شي.

د اقتصادي چارو کار پوه سلیم طوفان بیا وايي؛ دا مهمه ده، چې د افغانستان بانک د اسعارو زیرمه تر یوه بریده لوړ کړې؛ خو له دې د نورې لوړیدا امکات هم ول. د افغانستان بانک باید د هغو ورځو لپاره هم تدابیر ولري، چې نړیوالې مرستې پرې بندې شي او دوی له دې پیسو لوړ عاید تر لاسه کړي.

د نوموړي په وینا؛ د افغانستان بانک له پخوا هم پیسې درلودي، خو بیا هم دا سمه خبره ده، چې د اسعارو زیرمه لوړه شوې. مونږ هیله لرو، چې د افغانستان بانک د اقتصادي پراختیا لپاره پدې پیسو لوړه پانګونه وکړي او عواید مو ډېر شي.

د چارو کارپوهانو ويلي، چې د ملي وحدت حکومت له رامنځ ته کیدو راوروسته افغانۍ د نورو بهرنیو اسعارو په وړاندې ۳۰ سلنه خپل ارزښت له لاسه ورکړی. د افغانستان بانک باید د زیرمو د لوړولو ترڅنګ د پولي سیاست او د افغانۍ د ارزښت ساتلو لپاره خورا زیاتي هڅې وکړي.

 خبریال: اسلم حجاب

تازه خبرونه

په کابل کې پر اړمنو کورنیو د بیات بنیاد د روژې مرستې ووېشل شوې

Published

on

(Last Updated On: وری ۹, ۱۴۰۳)

د بیات بنیاد مسوولینو ويلي، چې نن (پنجشنبه د وري نهمه) په کابل کې پر اړمنو او بې‌وزلو کورنیو د د دې بنسټ د روژې مرستې ووېشل شوې.

د دغه بنسټ مسوولینو څرګنده کړې، چې دغه مرستې به د روژې مبارکې میاشتې تر پایه روانې وي.

د بیات بنیاد مرستیال حاجي محمد اسماعیل وايي؛ د دغه بنسټ په مرستو کې اوړه، وريجې او غوړي شته ، چې له يوې رڼې سروې وروسته پر مستحقينو ووېشل شول.

د مرستې ترلاسه کوونکيو د بیات بنیاد له دې مرستو مننه وکړه او له نورو خیریه بنسټونو هم غواړي، چې په دې مبارکه میاشت کې ورسره ورته مرسته وکړي.

بیات بنیاد له نږدې دوه لسیزو راپدیخوا د روژې په میاشت کې د مرکز او ولایتونو له زرګونه اړمنو کورنیو سره د خوراکي او غیر خوراکي توکو مرستې کوي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!