Connect with us

تازه خبرونه

افغانستان هر کال څه باندې دوه میلیون متریک ټنه غنم واردوي

خپور شوی

د

(Last Updated On: لړم ۲, ۱۴۰۱)

vlcsnap-2017-04-29-18h19m03s131

افغانستان که څه هم کرنیز هېواد دی؛ خو هر کال څه باندې دوه میلیون متریک ټنه غنم واردوي.

د غنمو د کر لپاره د ځمکې کموالی، د فني ملاتړ په برخه کې د امکاناتو نشتوالی،  د پورونو ته د بزګرو نه لاسرسی او د اوبو کمښت هغه ستونزې دي، چې په شتوالي کې یې افغانستان اړ شوی، چې د غنمو یو ستر واردونکی هېواد وي.

د سوداګرۍ او صنایعو خونې مسوولین وایی، حکومت باید د غنمو د حاصلاتو د ډېروالي لپاره زیاتې آسانتیاوې را منځته کړي.

د سوداګرۍ او صنایعو خونې ویاند صیام پسرلی وایي، باید د هېواد دننه د غنمو د کر لپاره لا ډېره زمینه برابره شي.

د کرنې او اوبو لګولو وزارت ویاند لطف الله راشد وایي،  د غنمو په برخه کې د خود کفایۍ هڅې روانې دي.

اقتصادي شنونکی قیس محمدي بیا پر حکومت نیوکه کوي، چې د کرنیز سیستم د ودې لپاره یې ډېر څه نه دي کړي.

هغه زیاتوي؛ د کرنې وزارت نه دی توانیدلی، چې په امن ساحو کې د کرنیزو محصولاتو د زیاتوالي لپاره ډېر کار وکړي.

د کرنې او اوبو لګولو وزارت د څرګندونو له مخې، افغانستان هر کال شپږ میلیون متریک ټنه غنمو ته اړتیا لري. تېر کال په دوه اعشاریه درې میلیون هکتاره ځمکه کې غنم کرل شوي وه، چې ترې څلور نیم میلیون متریک ټنه غنم تر لاسه شول.

خبریاله : لیدا نیازۍ

Advertisement

تازه خبرونه

د ازبکستان بشري مرستې بلخ ته راورسېدې

Published

on

(Last Updated On: غویی ۶, ۱۴۰۳)

نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.

د سیمه‌ییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخان‌دریا د والي له‌خوا د بلخ  چارسمبالي والي ته سپارل شوې ده.

د سرخان‌دریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.

په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.

کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.

Continue Reading

تازه خبرونه

په سیمه او هېواد کې امنیتي پېښې وارداتي دي – امیر خان متقي

Published

on

(Last Updated On: غویی ۶, ۱۴۰۳)

نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان‌-قزاق نندارتون د پرانیستې په مراسمو کې  د افغانستان او سیمې امنیتي پېښې وارداتي یادې کړې دي.

نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.

بل هېواد د هغې لارې پر سر پروت دی، چې امن خرابوونکي افراد ترې راتېریږي.

او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.

ویل کیږي، چې بد امني پر ګډه همکارۍ او همغږۍ له منځه وړل کیږي.

Continue Reading

تازه خبرونه

له اسلامي امارت سره  نړیوالې اړیکې ورځ تر بلې پراخیږي – ذبیح الله مجاهد

Published

on

(Last Updated On: غویی ۶, ۱۴۰۳)

د اسلامي امارت ویاند ذبیح الله مجاهد افغانستان ته د ګڼ‌شمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.

ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.

د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.

د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.

Continue Reading

Trending

Copyright © 2022 Ariana News. All rights reserved!