Connect with us

تازه خبرونه

افغان دولت او نړیواله ټولنه دې ښځو ته د زدکړو چاپېریال برابر کړي

خپور شوی

د

(Last Updated On: لړم ۲, ۱۴۰۱)

Capture

اروپايي ټولنې له یو شمېر نړیوالو بنسټونو او د افغانستان له یو شمېر مدني ټولنو سره په همغږۍ کې  ښځې د بدلون په درشل کې تر سرلیک لاندې تبلیغاتي کمپاین پیل کړی. د دغه کمپاین اصلي موخه دا ده، چې ښځو ته په سیاست او پوهنه کې د فعالیت ډېره زمینه برابره شي.

په افغانستان کې د اروپا د مدني ټولنې او د موکراسۍ د بنسټ مسوول جانلوکه سولرا  وایي، دا پروژه افغان میرمنو ته په سیاسي او اقتصادي ډګرونو کې د فعالیت زمینه برابروي. مونږ قانون جوړوونکي نه یو؛ خو پر قانون جوړوونکیو فشار راوړلی شو، چې دا غوښتنې ومني.

په افغانستان کې ښځو او ماشومانو ته د مرستو رسولو بنسټ ريیسه ناجیه کریمي وايي، چې حکومت د میرمنو د ژوند د ښه کولو او اقتصادي ودې لپاره مناسب پام نه دی کړی.

د افغانستان د مدني فعالانو د شبکې رييس نعیم نظري وایي، په افغانستان کې ستره ستونزه له قانونه څخه سرغړونه او د هغه کمزوری شتوالی دی.

د نوموړي په وینا؛ مونږ په تېرو ۱۴ کلونو کې د ښځو په اړه د یو شمېر قوانینو د تصویب شاهذان یو؛ خو پلي کولو ته یې بشپړه پاملرنه نه ده شوې.

مسوولین وايي، چې د اروپايي ټولنې پر مالي ملاتړ دغه کمپاین به په دوه دېرش ولایتونو کې روان وساتل شي. کوښښ کیږي، چې پر قانون جوړوونکیو فشار راوړي، چې د ښځو د محدودیت د لیرې کولو لپاره هم مناسب ګامونه واخلي.

په افغانستان کې د ښځو مدافع ټولنې پر نړیواله ټولنه غږ کوي، چې په افغانستان کې د ښځو ستونزې د افغان دولت له دخالت پرته وڅېړي.

خبریاله : سمیرا ظفري

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!