Connect with us

تازه خبرونه

افغان حکومت: له ۲۰۲۰م وروسته د نړۍ د مرستو ژمنه ترلاسه کوو

خپور شوی

د

(Last Updated On: لړم ۲, ۱۴۰۱)

vlcsnap-2016-10-22-18h49m24s100

افغان حکومت هڅه کوي چې له دوه زره شلم میلادي کال وروسته له افغانستان سره د مرستو له پاره د نړۍ د هېوادونو ژمنې واخلي.

د مالیې وزیر د دې مطلب په څرګندولو سره وایي چې په بروکسل غونډه کې د څه باندې ۱۵ میلیارد ډالرو د مرستو ژمنه د حکومت له تمې پورته وه، خو د نوموړي په وینا، دغه مرستې د حکومت د ژمنو له عملي کېدو سره تړلې دي.

په همدې حال کې د ولسي جرګې دوهم مرستیال وایي، حکومت باید هڅه وکړي چې د هېواد د ننګونو د حل له پاره نورې مرستې هم پيداکړي.

د مالیې وزیر د ولسي جرګې استماعيه غونډې ته ورغلی و او د ولسي جرګې غړو ته یې د بروکسل غونډې د مرستو د ژمنو د څرنګوالي په هکله معلومات ورکړل. د مالیې وزیر وایي، افغان حکومت له دې مرستو وروسته هڅه کوي چې له دوه زره شلم کال وروسته هم د نړیوالو تازه ژمنې ترلاسه کړي.

د ماليې وزير اکیل حکیمي وايي: “له ۲۰۲۰م کال وروسته له پاره بايد يوه غونډه جوړه شي او افغانستان به له نړيوالې ټولنې وغواړي چې له افغانستان سره د مرستو له پاره دې يو ځل بيا هم ژمنه وکړي، خو تر اوسه پورې د نړۍ هېوادونو په اړه څه نه دي ويلي.”

په همدې حال کې د مالیې وزیر زیاتوي چې د نړیوالو له خوا له افغانستان سره د پنځلس اعشاریه دوه میلیارد ډالرو د مرستو ژمنه سپین چک نه بلکې د افغان حکومت د ژمنو له عملي کېدو سره تړلې ده.

اکلیل حکیمي زیاتوي: “له نېکه مرغه چې موږ له هيلو ډېره مرسته ترلاسه کړه او دا مرستې کولای شي چې د افغانستان مالي ستونزې تر ۲۰۲۰م کال پورې تامين کړي او د دې مرستو ډېره برخه به په پرمختيايي او ملي پروژو کې ولګول شي چې دا مرستې افغانستان ته يوه لويه لاسته راوړنه ده.”

له بلې خوا د ولسي جرګې دوهم مرستیال له افغانستان سره د دغو مرستو څرنګوالی ستایي، خو ټینګار کوي چې حکومت باید هڅه وکړي څو افغانستان ته نورې مرستې هم جلب کړي.

د ولسي جرګې دوهم مرستیال نعمت‌الله غفاري وايي: “موږ له افغانستان سره د بهرنيانو د مرستو مننه کوو او له بده مرغه چې افغانستان د نړيوالې ټولنې د اوږو بار دی، بايد هڅه وشي چې د ډېرو مرستو د پيداکولو هڅه وشي او افغانستان په ځان بسياينې ته ورسېږي.”

خو د ولسي جرګې ځینې غړي ټینګار کوي چې څو پورې په هېواد کې د فساد مخه ونه نیول شي، د مرسته کېدونکو پیسو لګښت به له ننګونو سره مخامخ شي.

د ولسي جرګې غړی ابراهیم زاده وايي: “باید چې د فساد مخه ونيول شي هغه فسادونه چې د ميليونونو ډالرو په توګه ترسره کېږي، که نه د نړيوالې ټولنې دا مرستې به په سمه توګه ونه لګول شي.”

افغان حکومت د بروکسل په غونډه کې په دې وتوانېد چې له افغانستان سره د مرستو د دوام له پاره د نړیوالو قناعت تر لاسه کړي، خو مرستندویه هېوادونو دغه مرستې د افغانستان په نظام کې له اصلاحاتو سره غوټه کړې او حکومت مکلف دی چې له نړیوالو سره خپلې ژمنې عملي کړي له دې پرته به له افغانستان سره د مرستو دوام له ننګونو سره مخامخ شي.

Advertisement

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!