تازه خبرونه
افغانستان له سياسي ماتې سره مخ دی- جیمز کلپر
یوه جګپوړي امریکایي چارواکي خبرداری ورکړ چې د طالبانو د جنګي تحرکاتو له زياتوالي، سيمه ييزو زورواکانو او مالي ستونزو له امله افغانستان د سیاسي سقوط له خطر سره مخامخ دی.
د امریکا د ملي استخباراتو ادارې رییس د هغه هېواد د مشرانو جرګې یوې استماعیه غونډې ته ویلي چې د طالبانو د جنګي تحرکاتو زیاتوالی، سیمه ییز زورواکان او مالي ستونزې هغه ننګونې دي چې په ۲۰۱۶م کال کې یې افغانستان د سیاسي سقوط له خطر سره مخامخ کړی دی.
په همدې حال کې د امریکا د پوځي استخباراتو د ادارې رییس هم د طالبانو د کنټرول د ساحې په پراختیا اندېښمن دی.
دغه جګپوړی امریکایي چارواکی چې د امریکا د ۱۶ استخباراتي ادارو د همغږۍ مسولیت لري، اندېښمن دی چې په ۲۰۱۶م کال کې د ملي یووالي حکومت په وړاندې پر له پسې خنډونه شته او دغې مسالې افغانستان د سیاسي سقوط له خطر سره مخامخ کړی دی.
جیمز کلپرد امریکا د استخباراتو د ملي ادارې رییس وايي: “د ملي یووالي حکومت به په دوه زره شپاړسم ميلادي کال کې له پر له پسې خنډونو سره مخامخ وي، له دې جملې د سیاسي انسجام بد وضعیت، د سیمه ییزو زورواکانو ناقانونه کړنې، مالي ستونزې او د طالبانو پر له پسې بریدونه د سیاسي انسجام په وړاندې لویې ننګونې دي او حتی د کابل دولت به د ۲۰۱۶م کال په پای کې له سترو مسایلو سره مخامخ شي.”
ده ویلي څو پورې چې کابل بغاوت کابو نه کړي، وبه نه توانېږي چې په اغېزمن ډول ناوړه اقتصادي وضعیت له منځه یوسي.
جیمز کلپرد امریکا د استخباراتو د ملي ادارې رییس زياتوي: “په دغه وضعیت کې به د افغانستان د دولت د استحکام له پاره نړیوالې مرستې ټاکونکې وي. له نړیوالو مرستو پرته به افغان ځواکونه منسجم او تلپاتې ځواک پاتې نه شي.”
له بلې خوا د امریکا د پوځي استخباراتو اداري رییس د طالبانو د کنټرول د ساحې په پراختیا او هغو ستونزو په هکله خبرې کوي چې افغان ځواکونه ورسره مخامخ دي.
جنرال ونسنت ستیواردد امریکا د پوځي استخباراتو د ادارې رییس وايي: “که څه هم افغان ځواکونه په یواځې سر له وسله والو ترهګرو سره د جګړو رهبري کوي، خو د دندې ترسره کولو پر مهال له آزموینو سره مخامخ دي. طالبانو د افغانستان د دولت د کنټرول ساحه محدوده کړې ده.”
په همدې حال کې سید ظفر هاشمي د ولسمشر د ویاند مرستیال د امریکایي چارواکو دا خبرې چې ګني د افغانستان دولت د سیاسي سقوط له خطر سره مخامخ دی، رد کړې.
په همدې حال کې ځینې شنونکي وایي، امریکایی چارواکي په دغه راز څرګندونو غواړي چې د امریکا متحدین تشویق کړي څو له افغانستان سره زیاتو مرستو ته پام واړوي.
د اجرایي رییس سلاکار داوود اساس وايي: “دا څرګنده شوې ده چې طالب د امريکا دښمن دی نو دوی په دې خبرو سره غواړي له طالبانو سره د مبارزې او په افغانستان کې د سياسي ماتې مخه ونيسي.”
د امریکا جګپوړو استخباراتي چارواکو ویلي چې د افغان حکومت او وسله والو مخالفینو تر منځ د سولې د خبرو په بریالیتوب کې چې ټاکل شوې ژر پیل شي، بې باوره دي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه1 day ago
راشد خان د افغان بیسیم سوداګریز سفیر شو