Connect with us

تازه خبرونه

افغانستان به ډېر ژر د سولې او ثبات خاوندشي- غني

خپور شوی

د

(Last Updated On: لړم ۲, ۱۴۰۱)

vlcsnap-2016-02-15-16h05m41s5ولسمشر غني له هېواد څخه د شوروي د سرو پوځونو د وتلو په اووه ویشتمه کلیزه کې وویل، چې افغانستان به ډېر ژر د سولې او ثبات خاوند شي او د نورو د اوږو بار به نه وي.

افغان ولسمشر وايي، چې مجاهدینو د خپلو سرښندونو او مجاهدت پر مټ شوروي لښکري اړ کړي، چې له افغانستان څخه ووځي.

ده وویل، چې ډېر ژر به د سولې عالي شورا په رهبرۍ کې جهادي شخصیتونه وگوماري.

دغه راز نوموړي په وسلوالو مخالفینو غږ وکړو،چې د سولې له بهیر سره یو ځای شي.

د ملي وحدت حکومت اجرائيه رییس داکتر عبدالله عبدالله یو ځل بیا ټینگار وکړ، چې مجاهدین باید له ترهگرو سره په مبارزه کې ورگډ شي.

ده زیاته کړه، چې افغان امنیتي ځواکونه او وسلوال مخالفین باید له خپلو لیکو کم عمره هلکان وباسي.

دی وايي، چې افغانستان سختې ورځې په مخ کې لري؛ خو په همدې وخت کې وسلوالو مخالفینو ته هم د سوله ییز ژوندانه پیغام ورکوي.

حضرت صبغت الله مجددي بیا له افغان ولسمشر محمد اشرف غني څخه د هغو خبرو له کبله بښنه وغوښته، چې له آریانا نیوز سره یې په ځانگړې مرکه کې کړې وې.

ښاغلي مجددي له آریانا نیوز سره په مرکه کې ویلي وه، چې ولسمشر د حکومت کولو تجربه نلري او په وینا يې له لنډغرو مشورې اخلي.

نوموړي دا هم وویل که، پاکستان له لاسوهنو تېر نه شي په خلاف به یې جهاد اعلان کړي.

دغه راز د پخواني ولسمشر مرستیال محمد کریم خلیلي هم ټینگار وکړ، چې په افغانستان کې باید له عزت او شرف ډکه سوله راشي.

د نړیوال بانک د څېړنو له مخې افغانستان د شوروي د یرغل له کبله کابو دوه سوه څلوېښت میلیارد دالر زیان لیدلی دی.

خبریال: احمد فرشاد صالح

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!