Connect with us

تازه خبرونه

افغانستان او پاکستان باید د یو او بل کرامت وساتي- ستیفن ادلي

خپور شوی

د

(Last Updated On: لړم ۳, ۱۴۰۱)

astifan

په کابل کې له خونړیو حملو وروسته، د افغانستان او پاکستان اړیکې یو ځل بیا په بې سارې توگه ترینگلې شوي او ولسمشر غني په خپلو توندو خبرو کې پاکستان د ترهگرو ځاله او ملاتړی هېواد بللی دی، خو امریکایی چارواکي اوس هم پر گډه مباره ټینگار کوي.
د سپینې ماڼۍ د ملي امنیت پخواني سلاکار ستیفن ادلي ویلي، چې افغانستان او پاکستان باید د یو او بل کرامت وساتي او د خپل گډ دښمن په وړاندې، چې طالبان او نورې ترهگرې ډلې دي، فعالیت وکړي.
دغه خبرې داسې مهال کیږي چې افغان ولسمشر محمد اشرف غني پاکستان د ترهگرۍ مرکز او د طالبانو ملاتړی بللی او پر دغه هېواد یې سختې نیوکې کړي دي.
ستیفن ادلي وایي، دواړو هېوادونو ته کیلي باید دا وي، چې د یو او بل حاکمیت او کرامت وساتي؛ هیڅ یو باید د هغې ډلې ملاتړ ونه کړي، چې بل ته گواښ دی. د گډ دښمن په وړاندې باید گډه مبارزه وشي، ترهگري د دواړو هېوادونو گډ دښمن دی او باید په گډه یې په وړاندې همکاري وکړي.
ښاغلی اډلی یو ځل بیا له طالبانو سره د افغان حکومت د خبرو له بهیر د واشنگتن پر ملاتړ ټینگار وکړ.
په افغانستان کې نظر داسې دی، چې د پخلاینې له بهیر او د جگړو له پراختیا ملاتړ کیږي؛ څه، چې مهمه ده هغه فرصت دی، چې پاکستان یې لري او طالبان باید امتحان کړي. ودې ویني، چې هغوي سولې ته علاقه لري یا نه او مونږ هم اړتیا لرو، چې هغوي امتحان کړو.
مخکې له دې د افغان حکومت او طالبانو خبرې په پاکستان کې تر سره شوي؛ خو د دوه یم پړاو خبرو په درشل کې د ملا محمد عمر د مړینې د خبر اعلان او د کابل وروستیو خونړیو حملو له دغه بهیر څخه تمرکز بل لورته بدل کړ او اوس هم نه ده معلومه، چې برخلیک به یې څه وي.
خبریاله: نذیره عظیم کریمی.

 

 

 

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!