تازه خبرونه
احسان الله بیات د رسنیو او مخابراتو د غوره اجرائيه مدیر جایزه خپله کړه
د افغان بیسیم مخابراتي شرکت او آریانا تلویزیون عمومي ريیس انجنیر داکتر احسان الله بیات د نړیوالې مالي مجلې لخوا په دوه زره اووه لسم میلادي کال کې د رسنیو او مخابراتو د غوره اجرائيه مدیر په توګه معرفي شوي دي.
دغه مجله وايي، چې ښاغلي بیات په افغانستان کې د مخابراتو او تکنالوژۍ په برخو کې د غوره او بنسټیزو کارونو له کبله د دوه زره اوولسم میلادي کال د غوره اجرائيه مدیر جایزه خپله کړې ده.
انجنیر احسان الله بیات په دوه زره دویم میلادي کال کې د لومړي ځل لپاره په ا فغانستان کې د موبایل خدمتونو بنسټ کیښود او د افغان بیسیم مخابراتي شبکې پر فعالولو یې افغانستان له نړۍ سره ونښلوه.
ښاغلي بیات له یوې نیمې لسیزې را پدیخوا په افغانستان کې له اړو او بېوزلو کسانو سره د مرستو بهیر هم روان وساته او د اطلاع رسونې په برخه کې یې د آریانا او آریانا نیوز تلویزیونې او راډیويي شبکې هم جوړې کړي، چې په کور د ننه او بهر کې یې ګڼشمېر مینه وال وموندل.
ای اف ام یا د نړیوالې مالي مجلې لخوا بیات بنیاد د همدغو فعالیتونو د ښه مدیریت له کبله د کال غوره اجرائيه مدیر غوره کړی دی او د دغې مجلې معتبره جایزه یې ورکړې ده.
کلیپ: د افغان بیسیم او د بیات د رسنیز مرکز عمومي رييس انجنیر احسان الله بیات وایي؛ زه ویاړم، چې د نړیوالې مالي مجلې لخوا د د دوه زره اووه لسم میلادي کال د غوره مخابراتي او رسانه يي اجرائيه مدیر په توګه معرفي شوی یم. دا بریا زما د تيم د ګډ کار پایله ده او دا ښکاروي، چې د افغان بیسیم او آریانا تلویزیون او په مجموع کې د بیات د بنسټ هڅې دي، چې دغه جایزه مو ترلاسه کړه.
د امریکا آی اف ام نړیواله مالې مجله په یوه وخت کې په یوسل و پېنځه اتیا هېوادونو کې چاپیږي. دغه مجله د نړیوال بازار په اړه وروستي تحلیلونه او څېړنې خپروي، چې د مخکښو مدیرانو پاملرنه یې جلب کړې ده.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه2 days ago
راشد خان د افغان بیسیم سوداګریز سفیر شو