تازه خبرونه
ابراهیمي: ولسمشر ومنله چې د وسله والو مخالفینو په وړاندې پاته راغلی
د ولسي جرګې رییس وايي چې ولسمشر اعتراف کړی چې په جګړو کې د وسلوالو مخالفینو پر وړاندي پاتې راغلی.
هغه په هیواد کې د ناامینو روان بهیر د اندیښنې وړ بولي او وایي، د ناامنیو پیښو ته په کتو داسې ښکاري چې ولسمشر د ناامنیو په مخنیوي کې پاتې راغلی دی.
د ولسي جرګې رییس عبدالرووف ابراهیمي وایی، د کندز د ناامنیو په اړه یې له ولسمشر سره ناسته درلوده چې دې ناسته کې ولسمشر په زغرده د ناامنیو په مخنیوي کې په پاتې راتلو اعتراف وکړ:
“ د ولسمشر او امنیتي مسولینو سره په ناسته کې ولسمشر اعتراف وکړ چې د وسلوالو مخالفینو پر وړاندي پاتی راغلی. هغه د کندز د جګړې په اړه له موږ څخه تر ۴۸ ساعتونو وخت وغوښت، خو زه هم تاییدوم چې ولسمشر پاتي راغی.“
شکریه پیکان ولسي جرګه ـ کندوز:
“ په کندوز کې لوی ناورین دی، د مخالفینو د ګواښونو پر وړاندې مسولین بې تفاوته دي.”
بلخوا د وردګو استازي امنیتي مسولین د جلریز د جګړې په تړاو په بې غوري تورنوي.
صدیقه مبارز – ولسي جرګه ـ میدان وردګ:
“په جلریز کې ۲۷ نفره ووژل شول، په جلریز کې ځواکونو له موږ سره په ورستیو شیبو کې وویل چې مرمۍ نه لرو او د هغه تماس هم پرې شو.”
حمیده اکبري – ولسي جرګه – میدان وردګ:
“جګړه پلان شوې او سیاسي وه؛ پوستې یې له منځه یوړې، د اسیرانو سترګې یې ویستې، یوازی ۱۸ یي دفاع وزارت ته راوړل، له یودیرشو زیات کسان وو.“
د ولسی جرګې رییس د کورني امنیت او دفاعي چارو کمیسیون ته دنده وسپارله تر څو د میدان وردګ د جلریز پیښه له امنیتي مسولینو سره په ګډه وڅیړي.
خبریال: عبدالعزیز کریمی
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه17 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ15 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی16 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ