۲۱ تنه د ټاکنو خپلواک او ۱۵ نور د شکایتونو د اوریدو کمیسیونونو ته وروپېژندل شول

(Last Updated On: November 10, 2016)

vlcsnap-2016-11-10-17h17m50s193

د غوراوي کمیټې دروند پیټی له خپلې اوږې کښته او له اووه سوه شل کاندیدانو یې یوویشت تنه د ټاکنو خپلواک کمیسیون ته او پېنځلس نور د ټاکنیزو شکایتونو د اوریدو کمیسیون ته وروپېژندل.

د غوراوي کمیتې رییسجاوید رشیدي وایي، تېره ورځ مو ولسمشر ته د ټاکنو خپلواک کمیسیون لپاره د یوویشت کسانو او د ټاکنیزو شکایتونو د اوریدو کمیسیون ته د پېنځلس نورو نوملړ د اجرائیه ریاست او بهرنیو په شتون کې وړاندې کړ او نن د غوراوي کمیتې د کار د پای ته رسیدو شاهدان یو.  

له دې سره د غوراوي کمیتې کار پای ته ورسد؛ خو له دې کسانو به  اووه تنه د ټاکنو خپلواک کمیسیون او پنځه نور د ټاکنیزو شکایتونو د اوریدو کمیسیون ته د ولسمشر لخوا د نویو کمینشرانو په توګه ور وپېژندل شي؛ خو دا، چې د ولسمشر غوراوی به څه وخت او د کوم معیار پر بنسټ وي وخت به یې په ډاګه کړي.

د ولسمشر مرستیال ویاند دوا خان مینه پال وایي؛ په نویو کمیشنرانو کې به اته ښځې وي، چې پېنځه به یې د ټاکنو خپلواک کمیسیون او درې نورې د ټاکنیزو شکایتونو د اوریدو په کمیسیون کې کار پیلوي.  کاندید کمینشرانو کې پېنځه تنه پښتانه، څلور تاجک، درې هزاره، درې ازبکان او یو تن عرب، ایماق، پشه یي او سادات دي او په همدې توګه د ټاکنیزو شکایتونو د اوریدو کمیسیون ته پېنځه پښتانه، څلور تاجکان، درې هزاره ګان، دوه ازبکان او یو سادات دی.

د غورواي کمیتې غړیعبدالله شفایي وایي، زمونږ یوه بنسټیزه ستونزه دا وه، چې قومي ترکیب ته پاملرنه وشي.      

د غوراوي کمیته ادعا کوي، چې په روڼ، بې پرې او له هر ډول سیاسي مداخلو یې پرته کار کړی او راتلونکې ټاکنې به هم له هر ډول درغلیو پاکې وي؛ خو د دغې کمیتې کړنې د ټاکنو د څار بنسټونو په مزاج ښې نه دي لګیدلي.

د افغانستان د آزادو او عادلانه ټاکنو د بنسټ د پروګرامونو رییس نعیم اصغري وایي، ډېر معلومات له مونږ ډډې ته کیدل؛ نهو ویلی شو، چې دغه بهیر روڼ نه و او د نوماندانو غوراوی د خپلې خوښې و.         

له هغې وروسته، چې ولسمشر د ټاکنیزو کمیسیونونو نوي کمینشران معرفي کړل، دوی به د ولسي جرګې او ولسوالیو د شوراګانو د ټاکنو نېټه معلوموي. ټاکنې به له یوې خوا د ملي شورا او حکومت له لاسه وتلی مشروعیت پر ځای کړي او بل خوا به د افغانستان د سیاسي نظام د بدلون لپاره د لویې جرګې تر سره کیدو ته لار اواروي.

خبریال : باعث حیات

About Ariana News

Check Also

په کابل ښار کې چاودنې د مولوي ریحان په ګډون له دوه کسانو ژوند واخیست

(Last Updated On: May 24, 2019) امنیتي چارواکي وایي، چې د روژې پر نولسمه ورځ …