گڼ شمېر سوداگر هڅيدلي، چې په لويه پكتيا كې پانگونه وكړي

(Last Updated On: September 15, 2011)

د افغانستان د سوداگرۍ او صنايعو خونې چارواكي وايي :

گڼ شمېر ملي سوداگر يې هڅولي، چې په لويه پكتيا كې پانگونه وكړي.

يادو چارواكو دغه څرگندونې  د لويې پكتيا په مركز گردېز كې د سوداگرۍ ا و صنايعو خونو د ولايتي دفتر د مشريزې د ټاكنو پرمهال كړي او ويلي يې دي، چې:

يوزر و پېنځه لس تنه سوداگر چمتو شوي، چې په گردېز كې د سيمه يز دفتر د مشريزې له  ټاكلو  كيدو وروسته د ياد ولايت په بېلابېلو سيمو او بېلابېلو برخو كې پانگونه وكړي .

خان جان الکوزی د سوداگريزو چارو مرستيال، چې گردیز ته تلى وايي:

د سوداگرۍ او صنايعو خونه په ۲۱ ولایتونو كې  نماینده گۍ لري.

د نوموړي په وينا:

په جنوب ختيځو ولايتونو كې يې درې كاله وړاندې د سل غړيو په لرلو كار پيل كړى ، چې اوس ۱۰۵۰ غړي لري.

پاسوال گل نبی احمدزی  د ۵۰۵ سپين غر زون كومانمدان، چې په دې ناسته كې يې برخه درلوده وايي:

د پانگونې او كارخانو امنيتي ساتنه د پانگونې د ودې لپاره ډېر اهميت لري.

په پكتيا كې يو شمېر صسوداگر واي، چې ددوى شته ستونزې به د سوداگرۍ او صنايعو خونه حلوي.

د كار پوهانو په اند كه د تېر په څېر د جنوب ختيځې حوزې پر لرگيو، تركاڼۍ او حجارۍ پانگزنه وشي نه يوازې به په عايداتو كې زياتوالى راشي، بلكې زرگونه خلكو ته  به د كار زمينه هم برابره شي.

About ATN News

Avatar

Check Also

کابل ښاروالۍ په ۱۳ ناحیه کې د ۱۵ پروژو کار پیل کړ

(Last Updated On: July 25, 2019)کابل ښاروالۍ د دیارلسمې ناحیې په اړوند سیمو کې د …

Leave a Reply

Your email address will not be published.