عاجل خبرونه

ګلبدین حکمتیار د کابل د چارشنبې ورځې د برید عاملان مزدوران بولي

(Last Updated On: جون 2, 2017)

د حزب اسلامي رهبر وایي، په کابل کې د چهارشنبې ورځې د پیښې عاملان مزدوران دي، چې په اسلام هیڅ باور نه لري اونه دا خونړۍ پېښه له اسلام سره  اړخ لګوي. د افغانستان د خلکو ستر ماموریت اوس د جګړې پای ته رسول دي.

په کابل کې د حزب اسلامي مشر ګلبدین حکمتیار د  خپلو پلویانو په یوه غونډه کې د ښځو  او کورنیو د حقونو پر ارزښت خبرې وکړې او دا یې په ډاګه کړه؛ یو شمېر جاهلان فکر کوي، چې له دې لارې کولی شي اسلام ته خدمت وکړي؛ خو اسلام د بې ګناه خلکو وژنه جایز کړې نه ده.  

ښاغلی حکمتیارد خبرو اترو له لارې په افغانستان کې د سولې پر ټینګښت ټینګار کوي او وایي، زمونږ بنسټیز کار د جګړې پای ته رسول دي.

طالبانو  له روژې مخکې په یوه خبرپاڼه کې ویلي وه، چې د امنیتي ځواکونو په وړاندې به بریدونه روان ساتي.

د ملي امنیت ریاست د چهارشنبې ورځې برید د حقاني شبکې کار بولي، چې په وینا یې د آی اس آی په ملاتړ تر سره شوی دی.

About Ariana News

Check Also

د کابل پوهنتون د لیلیې زدکوونکیو نښته کړې

(Last Updated On: نوومبر 15, 2018) د کابل پوهنتون دلیلې د محصلینو ترمنځ د پنجشنې …