عاجل خبرونه

ګلاب منګل: د ډنډ غوري سيمه طالبانو ته نه بلکې قومي مشرانو ته سپارل شوې

(Last Updated On: October 3, 2015)

د سرحدونو، قومونو او قبایلو چارو وزیر د ولسي جرګې په استجوابیه غونډه کې دا رد کړه چې وایي د بغلان په ډنډ غوري سیمه کې دولت او طالبانو یو تفاهم لیک لاسلیک کړی دی. ګلاب منګل د همدې مسالې په هکله ولسي جرګې استجواب کړی و.

هغه وویل، دوی یوازې د سیمې له قومي مخورو سره تفاهم لیک لاسلیک کړی، څو د وسله والو مخالفینو مخه ونیسي. خو وکیلان دوه برخې شول، د غونډې کړکېچن حالت غوره کړ او د وکیلانو تر منځ آن د لفظي شخړو تر څنګ فزیکي شخړې هم وشوې.

د سرحدونو، قومونو او قبایلو چارو وزیر دغې لانجمنې او له شور او ځوږ ډکې غونډې ته استجواب شوی و. ګلاب منګل وکیلانو ته د بغلان د ډنډ غوري سیمې په اړه معلومات ورکړل کومه سیمه چې د ده په وینا، له نهو میاشتو راهیسې یې خلک له راز راز ستونزو سره مخامخ دي او دوی د ولسمشر په حکم په دې سیمه کې له قومي مخورو سره د طالبانو د فعالیتونو د مخنیوي له پاره تفاهم لیک لاسلیک کړ.

د سرحدونو، قومونو او قبایلو چارو وزیر ګلاب منګل وايي:

«سند له طالبانو سره لاسليک شوی نه دی، په زغرده وایم چې د امنیتي ځواکونو ټول سنګرونه په خپل ځای دي او یوه سانتي متر سیمه هم وسله والو ته نه ده سپارل شوې.»

ځینو وکیلانو د دغه تفاهم لیک ننګه او ځینو نورو بیا مخالفت وکړ.

په ولسي جرګه کې د بغلان د خلکو استازی محی الدین مهدي وايي:

«تاسې په دې کار سره افغانستان له تجزیې سره مخامخ کړ او د افغانستان یوه سیمه د دولت له حاکمیت څخه بهر شوه، ستاسې دا کار ملي خیانت بلل کېږي.»

پهولسي جرګه کې د هرات د خلکو استازیاحمد بهزاد وايي:

«دا یو پروګرام دی چې په دې سره ترهګر د منځنۍ آسیا هېوادونو ته لیږدول کېږي او هدف دا دی چې شمالي سیمه په شمالي وزیرستان بدله شي.»

پهولسي جرګه کې دبلخ د خلکو استازې ګلالۍ نور صافۍ وايي:

«ولې ټول عقده یی چلند کوي، دا ښه کار وشو، چې خلک ډنډ غوري کې سوله ییز ژوند لري. دا د ویاړ وړ خبره ده.»

پهولسي جرګه کې دکابل د خلکو استازیالله گل مجاهدوايي:

«له قومی مشرانو سره خبرې وشوې نه له طالبانو سره، ستونزه باید د خبرو له لارې حل کړو او قومي مشران کولای شي چي ستونزې اوارې کړي.»

په دې سره د ولسي جرګې غړي ووېشل شول، د هغوی خبرو قومي، سمتي او تنظیمی لوری خپل کړ، په پايله کې د پنجشير د خلکو د استازي ظهير سعادت او د کندهار د خلکو د استازي لالي حميدزي تر منځ لفظي شخړه په فزيکي شخړې واوښته.

خبريال: عبدالعزیز کریمي

About Ariana News

Avatar

Check Also

کانتیجین – هغه فلم، چې کروناویروس ته د ورته ناروغۍ وړاندویېنه یې کړې

(Last Updated On: March 30, 2020)د کرونا ویروس وېرې د فلمونو مینوال هڅولي، چې قرنطین …