ګاونډ هېوادونه په امام صاحب کې له طالبانو ملاتړ کوي

(Last Updated On: مې 8, 2018)

په امام صاحب کې سیمه ییزو چارواکو ویلي، چې که ګاونډ هېوادونه له طالبانو ملاتړ ونکړي؛ دا ډله له امنیتي ځواکونو سره د مخامخ  جګړې ځواک نلري.

د امام صاحب ولسوال محبوب الله سعیدی وایي، چې طالبان په دې ولسوالۍ کې عایداتي سرچینې نلري؛ خو د یو شمېر ګاونډ هېوادونو لخوا پر وسلو تجهیزیږي او مالي لګښت هم تر لاسه کوي.  

نوموړی زیاتوي؛ طالبان د ولسوالۍ له بازاره څه نا څه لس کیلو متره لیرې دي او هغه سیمې، چې امنیتي ځواکونو په ژمنيو عملیاتو کې نیولې وې؛ اوس یې هم امنیتي ځواکونه ساتي.

د امام صاحب ولسوالۍ اوسیدونکي امنیتي حالات د اندېښنې وړ بولي او وایي، چې طالبان د ولسوالۍ د مرکز په دوه کیلو مترۍ کې دي.

دوی له حکومته غواړي، چې د ولسوالۍ امنیتي وضعیت ته پوره پاملرنه وکړي او ژر تر ژره د وسلوالو مخافانو په وړاندې په اړوند سیمو کې عملیات ترسره کړي.

امام صاحب ولسوالي د کندوز ولایت په لویدیځ کې له تاجکستان سره ګډه پوله لري، دمګړۍ له تاجکستان سره ټوله ګډه پوله د طالبانو لخوا اداره کیږي.

About Ariana News

Check Also

خلیلزاد د ولسمشریزو ټاکنو د ځنډیدو وړداندیز کړی

(Last Updated On: نوومبر 13, 2018) وال ستریت ژورنال په ډاګه کړې، چې، ترمپ د …