کورنيو چارو وزارت له جنرال عبدالرازق سره د قانوني چلند پرېکړه کړې

(Last Updated On: جنوري 6, 2018)

د افغانستان د کورنیو چارو وزارت چارواکو ویلي، چې دغه وزارت تر دې دمه د کندهار امنیه قومندان جنرال عبدالرازق په اړه هیڅ نه دي کړي؛ خو له حکومت سره د ده د ټکر په صورت کې به ورسره قانوني چلند تر سره شي.

د کندهار امنیه قومندان جنرال عبدالرازق تېره سې شنبه رسنیو ته ویلي وه، چې مرکزي حکومت يې له دندې نشي ګوښه کولی؛ ځکه، چې دا حکومت انتخابي نه دی او د یوه ائتلاف له مخې جوړ شوی دی.

د افغانستان د کورنیو چارو وزارت ویلي، چې د افغانستان د قوانینو له مخې؛ پوځي چارواکي په سياسي چارو کې د لاسوهنې حق نه لري او د هېواد حکومت اړ دی، چې خپله دنده تر سره کړي. تېره اوونۍ په بلخ ولایت کې د عامه نظم قومندان حسیب الله قریشي او د هغه ولایت د پولیسو د امنیت امر عبدالرزاق قادري ته، چې له ښاغلي نور څخه یې ملاتړ کړی و؛ د سياسي جريانونو د ملاتړ له کبله ديسپليني جزا ورکړشوې ده.

د کورنیو چارو وزارت ویاند نجیب دانش وایي؛ کله، چې حکومت او کورنیو چارو وزازت پرېکړه وکړي؛ څوک یې په وړاندې دریدلی نشي.   

پوځي کارپوه اسدالله ندیم وایي، هغه قومندانان، چې سیاست ته دننه کیږي؛ په حقیقت کې له قانونه سرغړونه کوي.؟ دوی سرغړوونکي مجرمین دي. حکومت حق لري، چې قانون پرې پلی کړي.

دا په داسې حال کې ده، چې د بلخ پخواني والي عطامحمد نور ګواښ کړی و، چې حکومت یې د ګوښه کولو واک نلري؛ خو کله، چې خپله وغواړي.

About Ariana News

Check Also

د افغانانو تر منځ د سولې مذاکراتو پیلولو ته زمینه برابره ده- خلیلزاد

(Last Updated On: نوومبر 19, 2018) د افغانستان د سولې لپاره د امریکا متحده ایالتو …