کندهار له دوه جنرالانو او خواخوږو بې برخې شو

(Last Updated On: October 20, 2018)

امنیتي سرچینې وایي، د کندهار والي د یوه ساتونکي په برید کې د کندهار د امنیه قومندان جنرال عبدالرازق ، د کندهار د ملي امنیت رییس جنرال عبدالمومن حسین خېل ، د کندهار د بشري منابعو رییس او په کندهار کې د ملي تلویزیون تصویر اخیستونکي ژوند له لاسه ورکړی او د ۲۰۵ اتل قول اردو قومندان امام نطر، والي زلمي ویسا او د امنیت آمر رحمت الله اطرافي او یو شمېر نور ټپيان شوي دي.

سر چینې زیاته کړې، چې نن درې بجې د پرېکنده ماموریت ځواکونو د عمومي قومندان سکات میلر په ګډون د ولايت په مقام کې  امنیتي غونده درلوده.

 ویل کیږي، چې برید د والي یو ساتونکي په داسې حال کې کړې، چې د امریکایي او ناتو ځواکونو عمومي قومندان له سیمې د الوت په حال کې و.

دغه راز څرګنده شوې، چې په دې برید کې د ناتو دوه سرتېري هم ټپیان شوي دي.

د کندهار ولایت امنیه قومندان جنرال عبدالرازق په دې ولایت کې له بشپړ ملاتړ برخمن سړی و.

طالبانو د کندهار ولایت په دفتر کې پر ګڼو امنیتي او ملکي کسانو د برید مسوولیت ومانه. او په یوه خبرپاڼه کې په ډاګه کوي، چې په دې برید کې جنرال عبدالرازق، د کندهار والی زلمی ویسا، د کندهار د استخباراتو رییس عبدالمومن له ګڼو نورو مسوولینو، بهرنیو او داخلی عسکرو سره مړه او ژوبل دي.

دا په داسې حال کې ده، چې تېره ورځ طالبانو د ولسي جرګې د نوماند عبدالجبار قهرمان په ټاکنیز دفتر کې پر نوموړي چاودنه تر سره کړه، چې په کې نوموړي ساه ورکړه او یو شمېر نور دفتري ملګري یې ټپیان شول.

About Ariana News

Check Also

په قطر کې د یوناما مشر له ملا برادر اخند سره ولیدل

(Last Updated On: April 25, 2019)طالب ویاند ذبیح الله مجاهد په ډاګه کړې، چې د …