عاجل خبرونه

ښاروال او والییان باید د خلکو په رایو وتاکل شي- نور

(Last Updated On: January 7, 2018)

د بلخ پخوانی والي د یکشنبې پر ورځ( د مرغومي ۱۷) د فاریاب ولایت له ځوانانو سره په مزارشریف ښار کې ولیدل او هغو ته یې په وینا کې وویل؛ والییان باید د خلکو په رایو وتاکل شي او نړیوال  هم په افغانستان کې شته حقیقتونه وګوري او څوک یې ونه غلوي.

نور د فاریاب ولایت د ځوانانو په غونډه کې د حکومت پر کړنو نیوکه وکړه او وایي، چې په بېلا بېلو برخو کې د حکومت ګمارنې د وړتیاوو له مخې نه وې او ځینې وزیران بې سواده ونومول.

هغه د حل لارهم څرګنده کړه، چې د شایسته سالارۍ د اصل رعایتولو په موخه باید ښاروال او واليیان د خلکو لخوا وتاکل شي.

د نوموړي په وینا؛ نړیواله ټولنه له مونږ ښه متحدین موندلی نشي.

داسې ښکاري، چې د ولایت پر سر د ارګ او بلخ ترمنځ جنجالونه پاې ته نه دي رسیدلې؛ نه ولایت ته نوی والي پېژندل شوی او نه هم ارګ  د جمعیت غوښتنې منلې دي.  

ګومانونه داسې دي، چې حکومت د عطا محمد نور د فشارونو په وړاندې کمزروی عمل کوي او نه شي کولی نوی والي بلخ ته ولیږي.

About Ariana News

Avatar

Check Also

کابل او لس نور ولایتونه به تر ناڅرګند وخته بې برښنا وي

(Last Updated On: September 16, 2019)د افغانستان برښنا شرکت وایي، له تېرې یوې اوونۍ راپدیخوا …