ډېرۍ رسنۍ له بهر سره تړاو لري – سيد مخدوم رهين

(Last Updated On: September 12, 2011)

په مشرانو جرگه كې يو شمېر استازي وايي، چې:

د تېرشوي اختر په شپو او ورځو كې د يو شمېرانځوريزو رسنيو خپرونې غير اخلاقي او مبتذلې وې .

دوى له دغو رسنيو سره د جدي جلند غوښتنه لري، خو د اطلاعاتو او فرهنگ وزير وايي، چې:

د رسنيو د سمون لپاره بايد له تاوتريخوالي كار وانه خيستل شي.

نوموړي له رسنيو هم غوښتنه كړې، چې اسلامي او ملي ارزښتونو ته په پاملرنه خپرونې وكړي.

د افغانستان د اطلاعاتو او فرهنگ وزير او د خبريالانو د ملي اتحاديې مشر د يكشنبې په ورځ مشرانو جرگې ته ورغوښتل شوى و.

د مشرانو جرگې غړې  طيبه زاهدي وويل، چې:

سږكال د روژې په مباركه مياشت كې يو شمېرانځوريزو رسينو ښې خپرونې وړاندې كړې، خو د اختر په شپو او ورځو كې يو شمېر رسنيو داسې خپرونې وكړې، چې د هېواد له فرهنگ او اسلامي ارښتونو سره يې سمون نه درلود.

د مشرانو جرگې غړى سيد محمد سعيدي د رسنيو له خوا پر خپريدونكيو يو شمېر بهرنيو سريالونو نيوكه وكړه .

د دوى په باور:

يو شمېر رسنۍ له ډيموكراسۍ ناوړه گټه پورته كوي، خو د افغانستان د اطلاعاتو او فرهنگ وزير وايي، چې:

د مبتذلو خپرونو خپرول له ډيموكراسۍ سره هيڅ تړاو نه لري .

د اطلاعاتو او فرهنگ وزير سيد مخدوم رهين د مشرانو جرگې د غړيو هغه څرگندونې هم رد كړې، چې وايي:

د يو شمېر انځوريزو رسينو خپرونې د دولت وسله والو مخالفينو د لمسولو لامل شوي دي .

د اطلاعاتو او فرهنگ وزير له رسنيو وغوښتل، چې اعتدال دې په پام كې ونيسي.

نوموړي زياته كړه، چې رسنۍ بايد د افغانستان شرايط په پام كې ونيسي .

رهين وايي:

له رسنيو سره بايد له تاوترخوالې ډك چلند ونشي؛ ځكه، چې تاوترخوالى كركه را منځته كوې .

د ده په وينا اوسمهال ډېرې رسنۍ له بهر سره تړاو لري .

ښاغلې رهين همدا راز له ښار څخه د يو شمير غير اخلاقي فلمونو د راټولولو او همدا راز د يو شمير غير اخلاقي ويبساټونو د تړلو خبر هم وركوي

About ATN News

Avatar

Check Also

په کابل کې ځانمرګي ۶۰ کسانو ته مرګ و ژوبله رامنځته کړې

(Last Updated On: September 17, 2019)کورنیو چارو وزارت په ډاګه کړې، چې نن له غرمې …

Leave a Reply

Your email address will not be published.