عاجل خبرونه

په افغانستان كې څلورميليون جريبه ځمكه د زور واكانو له خوا غصب شوې – رحيمى

(Last Updated On: September 19, 2011 1:55 pm)

د كرنې وزيروايي:

يوازې د غاصبينو د نوم افشا كول د حل لاره نه ده، بلكې د ځمكې له مافيا سره بايد قانوني چلن وشي.

گل احمد اعظمي د مشرانو جرگې غړى وايي:

ډېرې ځمكې او دولتي ملكيتونه د لوړ پوړيو دولتي چارواكو له خوا غصب شوي دي .

كابل ښاروال محمد يونس نو انديش وايي:

په دې ښاركې د خپلسرو ودانيو د جوړيدو په مخنيوي كې پاتې راغلى  يم.

د افغانستان د كرنې وزيراو كابل ښاروال د يكشنبې په ورځ (د وږي په ۲۷) مشرانو جرگې عمومي غونډې ته وربلل شوي وه او د ځمكې د غصب او مافيا په اړه يې د سناتورانو پوښتنوته ځواب ووايه .

د مشرانو جرگې غړى گل احمد اعظمي وايي:

تېر لس كاله په كابل او ولايتونو كې دولتي ځمكه  په پراخه توگه غصب شوې او يو شمېر دولتي چارواكي د ځمكې له مافيا سره گډ شوي دي.

د كرنې وزير محمد آصف رحيمي وايي:

په ټول هېواد كې څلورميليون جريبه ځمكه د زور واكانو له خوا غصب شوې، چې  ډېرغاصبين د ملكيتونو اسناد هم لري.

هغه وايي، چې:

په تېرو اته مياشتو كې د ځمكو د غصب ۷۰۰ دوسيې د افغانستان د ځمكو ادارې ته رسيدلې او ۴۴ زره هكتاره ځمكه بېرته دولت ته سپارل شوې ده.

په داسې حال كې، چې يو شمېرسناتوران وايي:

د ځمكې د غاصبانو نومونه دې افشا شي، خو د كرنې وزير يې د نوم له ښودلو ډډه كوي .

رحيمي وايي:

د ځمكې د غاصبينو يو ليست شته، چې افشا كول يې ډېرې څېړنې ته اړتيا لري .

كابل ښاروال په كابل ښاركې د زور واكانو له خوا د دولتي ځمكو د غصبولو او خپل سرو ودانيو پرجوړلو اندېښنه ښيي او وايي:

دا اداره نه شي كولى د دې ودانيو د جوړيدو مخه ونيسي .

د كابل ښاروال په وينا:

دې ادارې غوښتي، چې له پوليسو څخه په استفاده د يو شمېرخپلسرو ودانيو د جوړيدو، چې د ښار امنيت ته گواښ دى مخه ونيسي خو بيا هم نه دى بريالى شوى

About ATN NEWS

Check Also

په هغو ولایتونو کې به ټاکنې نه کیږي، چې دفترونه یې وتړل شي- کمیسیون

(Last Updated On: September 17, 2018 7:34 pm) له هغې وروسته، چې د افغانستان د …

ځواب دلته پرېږدئ

ستاسو برېښناليک به نه خپريږي.