عاجل خبرونه

ځینې هېوادونه هڅه کوي، چې افغانستان تجزیه کړي- عبدالله

(Last Updated On: فبروري 19, 2014)

< ![endif]–>

د ټاکنیزو مبارو په لړکې د ولسمشرۍ نوماند داکترعبدالله عبدالله د سې شنبې په ورځ(د سلواغې۲۹) ننگرهار ته سفر وكړ او دغلته د ده په پلوۍ زرگونه كسانو غونډه وکړه.

ښاغلي عبدالله په جلال آباد ښار كې خپلو پلويانو ته په وينا كې وويل:

ځینې هېوادونه هڅه کوي، چې افغانستان تجزیه کړي؛ خو افغان ولس ته پکارده، چې د دې چارې مخنیوی وکړي.

نوموړي ویلي، په اوسني نظام کې اداري فساد، بې عدالتي او د خلکو بې وزلي اوج ته رسیدلې، چې په وینایې د دې ستونزو د حل لپاره به مبارزه کوي.

عبدالله عبدالله په خپلو خبرو كې دا ونه ويل، چې كوم هېوادونه د افغانستان د تجزيي نيت لري؛ خو ټينگار يي وكړ، چې افغانان بايد د ملي وحدت د پياوړتيا له لارې دا هڅې شنډې كړي.

ښاغلى عبدالله د ټاکنو پرشفافیت ټينگار كوي او له خلکو سره یې د بیارغونې، قانون پلي کولو، د اداري فساد د له منځه وړلو او زدهکړې ته د لارسي په برخوکې ډېرې ژمنې وکړي.

د داكتر عبدالله عبدالله دوه يم مرستیال محمدمحقق بیا پراوسنی نظام نیوکې وکړې او ویې ویل، چې افغانستان ته په ميلياردونو دالر راغلل، خو په ځای ونه لگیدل.

په دې غونډه کې د عبدالهادي ارغندیوال ترمشرۍ لاندې د حزب اسلامي د رهبرۍ شورا غړی جان بازسرفراز ، چې په ټاکنو کې يې له داكترعبدالله ملاتړکړی هغه اوازې ردکړې، چې د حکمتیار په مشرۍ د حزب بلې ډلې د ولسمشرۍ له بل نوماندملاتړ کړی.

له دې وړاندې هم په ننگرهارکې د ولسمشرۍ د یوشمېر نوماندانو د پلویانو له خواغونډې جوړې شوي؛ خو دا یې ترټولوستره وه.

ټاکل شوې، چې ټاکنیزې مبارزې د حمل په ۱۳نېټه پای ته ورسیږي اوپه ۱۶ نېټه ټاکنې ترسره شي.

About Ariana News

Check Also

د پکتیا د احمد ابا ولسوالۍ لاریونکوني د برښنا غوښتونکي شول

(Last Updated On: نوومبر 20, 2018) د پکتیا د احمد ابا ولسوالۍ اوسیدونکیو لاریون کړی …