په 2014 کال کې نږدې شپیته میلیون خلک بې ځایه شوي

(Last Updated On: جون 20, 2015)

vlcsnap-2015-06-20-17h46m30s247

د کډوالو په چارو کې د ملګرو ملتونو عالي کمیشنرۍ د نړۍ په ځانګړې توګه افغانستان په کچه بې ځایه شویو خلکو پر زیاتوالي اندیښنه لري.

په هغه راپور کې چې د دې کمیشنرۍ له خوا د پناه غوښتونکو د نړیوالې ورځې په مناسبت خپور شوی، راغلي؛ جګړې او شخړې د دې سبب شوي چې په دوه زره څوارلسم کال کې نږدې شپیته میلیون خلک بې ځایه شي.

په دې راپور کې افغانستان د هغه هېواد په توګه یاد شوی چې دوامداره جګړو په کې د کډوالي بهیر ورځ تر بلې پراخ کړی دی.

د جون شلمه د پناه غوښتونکو نړیواله ورځ ده.

د کډوالو په چارو کې د ملګروملتونو عالي کمیشنري د دې ورځې په مناسبت یو رپوټ خپور کړ ی.

د دې رپوټ له مخې، په دوه زره څوارلسم کال کې نهه پنځوس اعشاریه پنځه میلیون وګړي په ټوله نړۍ کې بې ځایه شوي چې دا کچه په دوه زره دیارلسم کال کې یوپنځوس میلیون کسانو ته رسېده.

د کډوالو په چارو کې د ملګرو ملتونو د عالي کمیشنري استازی انتونیو ګتریس:

په افغانستان، سومالیا او نورو سیمو کې د بې ثباتۍ او نښتو لسیزې په ‌دې معنا دي چې ملیونونه کسان له دې سیمو ووځي او یا د اوږدو کلونو له پاره له دې سیمو بهر وي.

د افغانستان لپاره د ملګرو ملتونو د کډوالو چارو د ادارې رییسه یونیکو:

مونږ د افغانستان له خلکو سره په دې برخه کې او افغان کډوالو ته به د دایمي حل لارو د موندنې لپاره له هغوي سره همغږي شو.

په همدې حال کې د کډوالو او بېرته راستنېدونکو چارو وزیر سید حسین عالمي بلخي وایي، د کډوالو د ننګونو د حل لپاره جامع پروګرامونه تر لاس لاندې لري او د کډوالو د عالي کمیسیون د لومړنۍ ناستې په تمه دی چې دا پروګرامونه مطرح کړي.

خو د مشرانو جرګې رییس په دې باور دی چې حکومت د کډوالو د ستونزو د حل لپاره هیڅ پروګرام نه لري.

د ملګرو ملتونو سرمنشي په یوه پیغام کې ویلي چې له هرو یوسلو دوه ویشتو کسانو نه یو یې کورنی بې ځایه شوی دی چې د پناه غوښتنه لري او یا یې پناه اخیستې ده.

خبریال: حمید صدیقي

 

About Ariana News

Check Also

طالبانو په فراه کې ۹۰ سیمه ییز پولیس نیولي او ۴۰ سرتېري وژل شوي

(Last Updated On: نوومبر 15, 2018) د فراه ولایتي شورا په ډاګه کړې، چې د …