عاجل خبرونه

په کابل کې په یو لاریون کې دوه تنه ووژل شول او اته نور ټپیان شول

(Last Updated On: January 31, 2015)

PROTEST _

عیني شاهدان وایي، نن د کابل د حوت خيلو سیمې اوسیدونکو د اسلام ستر پیغمبر ته د یوې فرانسوي مجلې د سپکاوي ډک اقدام ته په غبرګون کې لاریون تر سره کړ چې د پولیسو له غبرګون سره مخامخ شول.

بلخوا د کابل د پولیسو ویاندحشمت الله ستانکزیوایي، لاریون په تاوتریخوالي اوښتی چې ځینو لاریون کونکو ډزې هم وکړې او پولیسوهڅه وکړه چې ښار ته یې له غځېدو مخنیوی وشي.

نوموړی وایي، د هودخېلو اوسیدونکو د دغه لاریون په اړه له پولیسو سره له وړاندې پوهاوی نه و کړی.

دښاغلي ستانکزي په وینا، په دې نه پوهیږي چې لاریون کې اوښتې احتمالي مرګ ژوبله په کومې کچه کې ده.

په همدې حال کې د کابل د هود خېلو سیمې ځینې اوسیدونکي وایي، په دغه لاریون کې دوه تنه وژل شوي او اته نور ټپیان شوي دي او وایي، دا مرګ ژوبله د پولیسو له خوا را منځته شوې ده.

تر اوسه لا نه ده معلومه چې په لاریون کې ولې تاوتریخوالی را منځته شو؛ خو د کابل پولیس وایي، په لاریون کې څو ډلې خلکو خپلو کې لانجې وکړې او همدا سبب شو چې لاریون په تاوتریخوالي واوړي؛ نو له همدې کبله پولیسو ښار ته د دغه لاریون له غځېدو مخنیوی وکړ.

About Ariana News

Avatar

Check Also

د نظام الدین قیصاري پر کور عملیات د محکمې له سند پرته تر سره شوي – پلاوی

(Last Updated On: January 23, 2020)په بلخ کې د نظام الدین قیصاري پر کور په …