په کابل کې د سخي په مزارجنډه پورته شوه

(Last Updated On: March 20, 2016 5:59 pm)

vlcsnap-2016-03-20-17h48m02s102

 په کابل کې د سخي په زیارت د ځانګړو مراسمو په ترڅ کې جنډه پورته شوه. دغو مراسمو ته راغلو کسانو په جګړه کې له ښکېلو غاړو وغوښتل چې له تاوتریخوالي لاس واخلي او سولې ته سره کیني.

په کابل کې د نوی کال مراسم د خلکو له هیلو سره مل وو. زرګونه کابل ښاریان د سخي زیارت ته راغلي وو او د جنډې په پورته کولو یې نوي کال ته ښه راغلاست ووایه.

ځينې له خپلو کورنیو سره او ځينې نور بیا له خپلو دوستانو او ملګرو سره راغلي ووترڅو لږ تر لږه د جګړې ترخې خاطرې له یاده وباسي او د خوښۍ په فضا کې له دوستانو سره یو ځای د جګړې په ښکېلو غاړو غږ وکړي چې خلک له جګړې سخت ستړي دي.

یو دیني عالم هم په وسله والو طالبانو غږ وکړچې د یوه مسلمان جګړه د بل مسلمان په وړاندې ناروا ده.

نوروز د کلونو کلونو راهیسې په افغانستان کې په بېلا بېلو مراسمو نمانځل کېږي.

About Ariana News

Check Also

افغانستان سبا ته له بنګلدیش سره لوبه کوي

(Last Updated On: September 22, 2018 6:22 pm) د هېواد کرکت ملي لوبډلې له دوه …