عاجل خبرونه

په پغمان کې د ډله ییز تېري د ډلی مشر ونیول شو

(Last Updated On: September 2, 2014)

MoI

د کورنیو چارو وزارت وایي، چې د کابل د پغمان په ولسوالۍ کې یې د جنسي تېري او غلا په قضیه کې دوه نور ښکېل کسان هم نیولي دي.

د کابل امنیه قومندان وایي، د دغې جنایت کارې ډلې مشر له خپل یوه بل ملګري سره چې غوښتل یې ایران ته وتښتي، تېر مازیګر په غزني ولایت کې ونیول شول.

د کابل پولیس وایي، د نیول شویو کسانو د اعتراف له مخې، د دوی شمېر اتو تنو ته رسېږي، چې څلور تنه یې مخکې نیول شوي او دوه تنه یې د دوشنبې په مازیګر(د وږي ۱۰) چې ایران ته یې د تېښتې نیت درلود، په غزني کې د کابل د پولیسو په همغږي سره ونیول شول.

دوی یوه نیمه اوونۍ مخکې د خلکو د لېږد څلور موټر د پولیسو له جامو پر استفادې درولي وو او د دې تر څنګ، چې د موټرو د سپرلیو مالونه یې غلا کړي وو، پر یوې مېرمن یې جنسي تېری هم کړی وو.

د کابل پولیس تورنو کسانو ته یو ځل بیا د اعدام د سزا غوښتنه کوي او وایي، چې هېڅ داسې دلیل نشته چې دا افراد اعدام نه شي.

د کابل امنیه قومندان جنرال ظاهر ظاهر وایي، د شنبې تر ورځې به د دغو کسانو دوسیه څارنوالۍ ته ولېږل شي.

د کابل امنیه قومندان همداراز وایي، چې د دغې ډلې دوه تنه نور به هم ژر ونیول شي.

همدارنګه د غزني امنیه قومندان زړور زاهد وایي، چې زیاتو خطرونو ته یې په پام سره دغه کسان نیولي او کابل ته لېږدولي دي. نوموړی هم نیول شویو کسانو ته د اعدام د سزا غوښتنه لري.

د کورنیو چارو وزارت ویاند صدیق صدیقي وایي، چې د دغو کسانو په اعدام سره به پر عدلي او قضایي بنسټونو د خلکو باور تامین شي.

په همدې ډول په خواله رسنیو لکه فیس بوک کې د دغې پېښې په باب کرکه او انزجار ښودل شوی او غوښتنه یې کړې ده، چې عاملین یې باید اعدام شي.

خو دا چې دغو افرادو څنګه د دغه جنایت د تر سره کولو لپاره د پولیسو پر جامو او وسلو لاس رسی وموند، هغه پوښتنه ده چې لا هم بې ځوابه پاتې ده.

About Ariana News

Avatar

Check Also

په کابل کې ځانمرګي ۶۰ کسانو ته مرګ و ژوبله رامنځته کړې

(Last Updated On: September 17, 2019)کورنیو چارو وزارت په ډاګه کړې، چې نن له غرمې …