په هلمند کې طالبان له پوره زورسره سره خپلې موخې ته ونه رسيدل- جبار قهرمان

(Last Updated On: اکتوبر 7, 2016)

vlcsnap-2016-10-07-17h37m43s243

په هلمند کې د امنيتي ځواکونواوپراتيفي مسوول عبدالجبارقهرمان وايي، وسلوال طالبان له پوره زورسره بيا هم په دې ولايت کې خپلې موخې ته ونه رسيدل.

هغه، چې دې ولايت ته يوځل بيا د اوپراتيفي مسوول په توګه رسیدلی د جمعې په ورځ په يوه خبري ناسته کې راڅرګند شو او زياته يې کړه، چې وسلوال مخالفين نورپه دې ولايت کې پرمختګ نه شي کولی.

نوموړي همدا رازګواښ وکړ؛ هغه وسلوال، چې جګړه ورسره کوي په ټوپک به يې ځواب ورکړي.

په ولسي جرګه د هلمند د خلکواستازی او اوس د دې ولايت د امنيتي ځواکونو اوپراتيفي مسوول څو ورځې وړاندې په داسې حال کې هلمند ولايت ته د پوځي مسوول په توګه رارسیدلی، چې وسلوالو مخالفينو د لښکرګاه پر امنيتي کمربند پراخ بريدونه پيل کړي دي.

نوموړي په دې خبري غونډه کې وويل، چې نور يې امنيتي ځواکونه دلته منظم کړي او د وسلوالو مخالفينو د پرمختګ مخه يې ډب کړې او د تېرو درې ورځو په لړ کې يې هغوی ته درنده مرګ و ژوبله اړولې هم ده.

هغه همدا راز وايي؛ د امنيتي ځواکونو ترمنځ يې کلکه همغږي ټينګه کړې، چې په نږدې راتلونکي کې به د وسلوالو مخالفينو پر ځپلو پيل وکړي.

هغه يوځل بيا له وسلوالو مخالفينو وغوښتل، چې له جګړې لاس واخلي؛ د قلم او ژبې له لارې خپله مبارزه وکړي او که له جګړې لاس نه اخلي د ټوپک په خوله به ځواب ورکوي.

 د هغه په خبره؛ د وروستيو نښتو، کمينونو او هوايي بريدونو له کبله، چې ترسره شوي د مخالف لوري لوړپوړي کسان او لسګونه جنګيالي  وژل شوي او اوس يې د پرمختګ ځواک له لاسه ورکړی دی.

هغه زياتوي، چې ده ته په دې ولايت کې د امنيتي ځواکونو ترمنځ د همغږی د ټينګوالي او د هغوی د منظم کولو دنده ورسپارل شوې، چې تراوسه پورې يې په دې برخو کې د پام وړ پرمختګ ګړی او په لنډه موده کې به دا ځواکونه د تعرضي حالت لپاره چمتوکړشي.

خبریال: نعمت الله زهير

About Ariana News

Check Also

په ننګرهار کې ۲۴ داعش جنګیالي ملي امنیت ته تسلیم شوي

(Last Updated On: نوومبر 18, 2018) په ننګرهار کې د ۹ بهرنیانو په ګډون څلیریشت …