عاجل خبرونه

په هرات کې د هلوترست موسسې پېنځلس ماین پاکان راخلاص شول

(Last Updated On: اپریل 3, 2016)

vlcsnap-2016-04-03-10h29m23s220

د هرات امنیتي چارواکي وايي، چې د هلوترست موسسې پېنځلس ماین پاکان د وسلوالو له منګلو بېرته را خلاص شوي دي.

د هرات امنیه قومندان جنرال مجید روزي رسنیو ته وویل، چې یاد کسان د جمعې په ورځ د دغه ولایت په کهسان ولسوالۍ کې د ایران پولې ته نږدې د وسلوالو له خوا تښتول شوي وه.

له دې وړاندې د هرات والي ویاند عبدالروف احمدي د یاد ولایت په سرحدي ولسوالۍ کې د وسلوالو طالبانو دوه قوماندانان ملا طوفان او ملا حیدر د یادو ماین پاکانو په تښتوونې تورن کړي وه.

د هرات امنیتي چارواکو دا نه دي ویلي، چې یاد کسان چا تښتولي وه او نه یې هم تر دا مهاله د تښتولو مسوولیت چا په غاړه اخستی.

دا لومړی ځل نه دی، چې په هرات ولایت کې د هلو ترست موسسې ماین پاکان تښتول کېږې، بلکې دوه کاله وړاندې هم د یادې موسسې شپېته کار کوونکي په پښتون زرغون ولسوالۍ کې تښتول شوي وه، چې وروسته د قومي مشرانو په منځګړیتوب راخوشي شول.

دا په داسې حال کې ده، چې نن د جنګ ځپلې نړۍ د ماین زیانونو د پوهاوي نړیواله ورځ ده او په په کې پر آسانتیاوو راوستو غور کیږي.    

About Ariana News

Check Also

د ولسي جرګې ۴۰ سلنه نوماندانو د خپلو ګټو د خوندي کولو لپاره تکل کړی

(Last Updated On: اکتوبر 15, 2018) د ځوانانو د ټولنیزو او مدني بنسټونو د همغږۍ …