په نیویارک کې چاودنې ۲۹کسان ټیان کړي

(Last Updated On: سپتمبر 18, 2016)

160918021940_nyc_blast_640x360_reuters_nocredit

د نیویارک ښار د منهاتن په سیمه کې تېره شپه(په ځایي وخت ۹ بجې)چاودنه شوې،چې په کې ۲۹ کسان سرسري ټپیان شوي او روغتیايي حالت یې د ډاډ وړ دی.

د اسوشیتید پریس خبرې آژانس د څرګندونو له مخې،پېښه د منهاتن د چلسي په سیمه کې رامنځته شوې ده.

له پېښې سمدستې وروسته پولیس او د اور وژنې عمله سیمې ته رسیدلې ده.

شاهدانو اسوشیتید پریس ته ویلي؛ لږترلږه درې کسان یې لیدلي، چې په امبلانسونو کې له سیمې  روغتون ته لیږدول شوي دي.

 د نیویارک پولیسو اړوند سیمه تړلې او د ترافیکو د تګ راتګ مخه هم نیول شوې ده.

ځایي رسنیو خبر ورکړی،چې چاودنه د اړوند سیمې په یو خځلځي (د کثافاتو په ځای)کې رامنځته شوې ده.

رسنیو ته دا هم په ډاګه شوې، چې چاودنه په نیو جیرسي ایالت کې د ځغاستې د یوې سیالۍ پرمهال له یوې بلې چاودنې څو ساعته وروسته رامنځته شوې ده.  

د چاودنې له کبله د ځغاستې سیالي ځنډول شوې؛ خو په لومړنۍ چاودنه کې څوک ټپیان شوي نه دي.

تر اوسه د چاودنو لامل نه دی په ډاګه شوی؛ خو د چاودیدونکیو توکو د بڼې په اړه څېړنې روانې دي.

د نیویارک ترهګرۍ ضد پولیسو دفتر ویلي، چې د پېښې د رامنځته کیدو په اړه هر اړخیزې پلټنې روانې دي.

About Ariana News

Check Also

هیله ده، چې له ولسمشریزو ټاکنو مخکې د سولې په اړه هوکړه وشي- خلیلزاد

(Last Updated On: نوومبر 18, 2018) د افغانستان د سولې په اړه د امریکا ځانګړي …