په نږدې راتلونکي کې به د لاجورد لار پرانستل شي-قوقندي

(Last Updated On: January 28, 2016 3:48 pm)

vlcsnap-2016-01-28-15h44m11s50د سوداگرۍ او صنایعو وزارت وایي، چې د لاجورد لار به په يوه نیمه میاشت کې پرانیستل شي.

وزارت وایی، د دغې پروژې د پرانیستنې لپاره لومړني کارونه په بشپړېدو دي، او دغه پروژه به فاریاب کې پرانیستل شي.

د سوداگرۍ او صنایعو وزارت ویاندمسافرقوقنديوایي؛ د لاجورد لار افغانستان ته دا امکانات برابروي، چې خپل مالونه د ترکمنستان، گرجستان او ترکیې له لارې اروپایي بارزارونو ته صادر او وارد کړي.

ښاغلی قوقندي زیاتوي، د پروژې په پرانستهکې به د افغان او ترکمن ولسمشرانو تر څنگ د دغو څلور هېوادونو سکتوري وزیران او د بېلابېلو هېوادونو نږدې سل دیپلوماتان هم برخه ولري.

د دغې پروژې پرانیستې ته تیاری په داسې حال کې روان دی، چې د بهرنیو چارو وزیر صلاح الدین رباني چین ته د خپل وروستي سفر په ترڅ کې له چینایی چارواکو سره د نورو مسایلو تر څنگ د وریښمو د لار د کار د پیل پر څرنگوالي هم خبرې کړي دي.

د اقتصادي کارپوهانو په وینا، د وریښمو او لاجورد لارې او د چابهار بندر کولی شي افغانستان په اقتصادي برخه کې پر پاکستان له اتکا خلاص کړي.

خبریال: اسلم حجاب.

 

About Ariana News

Check Also

د هند اعلان شوې مرستې به د اقتصادي پراختیا لامل شي

(Last Updated On: September 20, 2018 4:55 pm) د هېواد د سوداګرۍ نړیوالې خونې مسوولین …