عاجل خبرونه

په نوي ډيلي كې د آريانا ۲۰۱۲ كال د هنري ډاليو اوومه ننداره تر سره شوه

(Last Updated On: January 26, 2013 1:35 pm)

د آريانا راديو – تلويزيون د ۲۰۱۲م كال په هنري جشن كې  يو شمېرافغان چارواكو، پياوړيو او پېژندل شويو او ځوانو هنرمندانو، د هند د فرهنگي او هنري ټولنې وتليو څېرو او ميه والو گډون درلود او د دې نندارې له مراسمو يې تود هركلى وكړ.

آريانا راديو- تلويزيون د افغان هنرمندانو د هڅولو په موخه هر كال په بېلابېلو هېوادونو كې هنري نندارې جوړوي.

تېركال دا جشنواره په دوبۍ  كې جوړه شوې وه .

د آريانا- راديو تلويزيون د ۲۰۱۲م كال د هنري ډاليو د وېش اوومه ننداره د هندوستان په پلازمېنه نوي ډيلي كې د شاهانه خوب په نومونې جوړه شوه.

د دې هنري نندارې د خبري پوښښ په موخه انځوريزو او چاپي رسنيو هم گډون درلود.

د آريانا راديو- تلويزيون د نړيوالې شبكې  مسوول عزيز الله آرال گډونوالو ته په ډاگه كړه، چې:

سږنۍ هنري ننداره مو له نورو هغو سره توپير لري. په دې ننداره كې به د هند  او افغان هېوادونو هنرمندان د ختيځ  ټنگ ټكورگډې خواوې رڼې كړي.

هغه ديارلس افغان سندغاړي به دروپېژندل شي، چې په ديارلس بېلابېلو كتگوريو كې د ټنگ ټكور د داورانو او افغانستان د خلكو د رايو پر بنسټ غوره شوي دي.

د آريانا په اوومه هنري ننداره كې سيتا قاسمي د كال غوره ښځينه سندغاړې او جاويد شريف د كال غوره نارينه سندرغاړى، فرهاد دريا او ميرمن نغمه په ۲۰۱۲م كال كې د ټنگ ټكورغوره ستوري، غزال عنايت او ځيگر ساپى غوره نوي سندرغاړي، غوره غزل د احمد ولي فتح علي خان، غوره انځوريز كليپ د آريانا سعيد، غوره سندره د ولي حجازي، غوره رپ سندره د بېژن ظفرمل او غوره غبرگه سندره د صديق شباب او خالد كيهان و پېژندل شول.

غوره حماسي سندره د شهزاد عديل او د  غوره شعر لقب د لطيف ننگرهاري سندرې  خپل كړ.

دغوره تصوفي سندرې لقب د عمرشريف او رامين شريف په برخه شو او بشير وفا غوره محلي سندرغاړى وټاكل شو.

همدا راز د استاد هاشم او استاد اولمير د ژوند يو لنډ مستند فلم هم خپور شو او دوى ته د تل پاتې عمر نوم وركړشو.

د آريانا راديو- تلويزيون افتخاري جايزې د بصير بيات له خوا هغو هندي سندرغاړيو ته وركړشوې، چې په دې مراسمو كې يې گډون كړى و.

د يادونې وړده، چې آريانا راديو- تلويزيون نړيواله شبكه به ډېر ژر دا بشپړ پروگرام خپلو هېوادوالو ته وړاندې كړي.

About ATN NEWS

Check Also

ترهګر هڅه کوي، چې په هېواد کې مذهبي شخړې پیل شي

(Last Updated On: September 20, 2018 4:18 pm) ولسمشر غني وایي؛ ترهګر هڅه کوي، چې …