عاجل خبرونه

په ننګرهار کې د شخصي موخو لپاره د واکسینو مخه نیول کیږي- دیني عالمان

(Last Updated On: November 3, 2016)

vlcsnap-2016-11-03-16h17m31s85

په جلال آباد کې سلګونه دیني عالمانو د واکسینو په تړاو د بحث لپاره یوه ناسته جوړه کړه. د دوی د اوږد بحث نچوړ دا شو، چې واکسین د مذهب له پلوه حرام نه، بلکې حلال دي او ځينې کسان له مذهب څخه په ګټه اخیستنه د شخصي ګټو لپاره د واکسینو د تطبیق مخه نیسي.

دې سلګونه دیني عالمانو پر خلکو غږ وکړ، چې د واکسینو په تطبیق کې له اړوند ادارو سره مرسته وکړي او خپل اولادونه په هره دوره کې واکسین کړي.

د ننګرهار د عامې روغتیا رییس داکتر نجیب الله کامه وال وايي، اوس هم په ننګرهار کې ځینې ډلې او یو شمېر کورنۍ د واکسینو د تطبیق لپاره مذهب مخکې کوي.

هغه زیاتوي؛ دغه راز غونډې کولی شي، چې د خلکو ذهن روښانه او خلک په ځینو برخو کې له اړوند ادارو سره همکارۍ ته اړ کړي.

دا په داسې حال کې ده، چې دمګړۍ د ننګرهار په اچین، هسکه مینه، حصارک او بټی کوټ ولسوالیو کې شاوخوا دیارلس زره ماشومان له واکسینو پاتې کیږي.

پولیو یا ګوزڼ یوه ساري ناروغي ده، چې د واکسینو د نه تطبیق له کبله له پېنځه کالونو څخه کم عمره ماشون پرې اخته کیږي او د دایمي فلج لامل کیږي. 

خبریال: رحمت الله زیارمل

About Ariana News

Avatar

Check Also

که امریکا خپلو ژمنو ته ژمنه پاتې نشي، جګړه به وغزوو- د طالبانو ګواښ

(Last Updated On: August 20, 2019)د طالبانو د سیاسي دفتر ویاند سهیل شاهین آریانا نیوز …