په لوګر کې پر دولتي ځمکه لسګونه کورونه ونړول شول

(Last Updated On: April 7, 2016)

vlcsnap-2016-04-07-10h17m55s161vlcsnap-2016-04-07-10h20m54s64

په لوګر کې نن شاوخوا ۲۰۰ کسانو له دې کبله لاریون وکړ، چې په دغه ولایت کې محکمې د کارتې مامورینو او قومندانۍ پر شاوخوا  ځمکو جوړ شوي کورونه  ناقانونه وګڼل او د ملي امنیت ځواکونو یې به ورانولو لاس پورې کړ.

لاریونوال د ولایتي شورا مخې ته راټول شول او له چارواکو یې غوښتنه وکړه، چې د دوی د کورونو له ورانول  څخه دې لاس واخلي. 

د مرکز پل علم اوسیدونکي دا نه مني، چې دوی په دولتي ځمکه  کې کورونه جوړ کړي او وایي، چې مونږ شرعي قبالې او اسناد لرو.

  یو شمېر نور په  ډاګه کړې، چې دغه کورونه مونږ له نورو کسانو څخه به حلالو پیسو رانیولي او دولت باید له غاصبینو سره حساب وکړي.

لاریون کوونکي وایي: کله، چې مونږ ۵ یا ۶ کاله وړاندې دغه کورونه جوړول هغه وخت باید دولت مونږ د کورونو جوړولو ته نه وای پرایښي، چې زمونږ د لګښت مخه نیول شوې وای.

د دوی په وینا؛ په ډېره خوارۍ دغه کورونه ودان شوي او بل ځای د اوسیدو له پاره ځای هم  نلرو.

د مرکز پل علم د هوني سفلی اوسېدونکی مصطفی وایي، چې پر دغو خلکو پلورل شوې ځمکې زمونږ دي،  سل کالن اسناد او قبالې لرو او هیڅوک پردۍ ځمکې خرڅولی نشي.

د لوګر د ولایتي شورا مشر او غړي هم د خلکو د کورونو په ورانولو نیوکه کوي او وایي: ترهغې، چې درېیمه محکمه پرېکړه ونه کړي څوک نشي کولی، چې دعوه وروستۍ او نهايي کړي.

د والي ویاند سلیم صالح وایي، دا ځمکې او کورونه د ولسمشر د ۴۵ ګڼې فرمان له مخې ورانېږي،چې شاوخوا ۱۲۰۰ جریبه کېږي.

صالح زیاتوي؛ کله، چې لومړۍ محکمې یادې ځمکې او کورونه ناقانونه وبللې، د دوه یمې او درېیمې محکمې له پاره ترې اړین اسناد او شواهد وغوښتل شول؛ خو په ټاکلي وخت کې محکمې ته کوم اسناد او شواهد ونه رسیدل، نو ځکه د لومړۍ محکمې پرېکړه وروستۍ وبلل شوه.

خبریال :حکمت الله واقد- لوګر

About Ariana News

Avatar

Check Also

Bal

د بلخ ولایت زارې ولسوالۍ ته د طالبانو نومول شوی ولسوال ووژل شو

(Last Updated On: September 22, 2019)شاهین ۲۰۹ قول اردو په ډاګه کړې، چې د بلخ …