عاجل خبرونه

په كابل ښار كې د دولتي او عادي موټرو پلټنې جدي شوې دي

(Last Updated On: January 26, 2013 9:39 pm)

د كابل پر يو شمېر سيمو د وسله والو طالبانو وروستيو ډله ييزو بريدونو سره د كورنيو چارو وزارت په پلازمينه او ولايتونو كې د دولتي او عادي موټرو پلټنې جدي كړي دي، د دغه وزارت چارواكي وايي، دغه پلټنې به په دايمې ډول روانې وي او په ترڅ كې به يې په موټرو كې د تورو ښيښو شتون له مېنځه يوسي.

د كابل د امنيه قوماندانۍ مرستيال داود امين وايي:

پوليس او يو شمېر نور امنيتي بنسټونه د كابل ښار سركونو ته راوتلي تر څو د موټرو تورې ښيښې له مېنځه يوسي، بې جوازه وسله وال كسان او بې پلېټه موټر وپلټي.

افغان ملي پوليس دنده لري هغه موټر وپلټي، چې د دوى په نظر شكمن ووسي، خو داسې ښكاري چې په يو شمېر برخو كې د دولتي موټر چلوونكي د پوليسو له دغه كار سره مخالفت لري او ان خبريالان نه پرېږدي، چې انځور واخلي.

په همدې حال كې پوليسو ته دنده وركړل شوې تر څو هغه كسان، چې د پوليسو له كار سره مخالفت ښكاره كوي لويې څارنوالۍ ته وروپېژني.

په ښارونو كې د پوليسو له خوا دا ډول مانورونه په كراتو كراتو تر سره شوې، خو گټوره پاېله يې نه ده درلودلې، خو ښكاره شي دا ځل د پوليسو اقدام، چې ډېر جدي گڼل كېږي تر كومه دوام كوي.

About ATN NEWS

Check Also

ترهګر هڅه کوي، چې په هېواد کې مذهبي شخړې پیل شي

(Last Updated On: September 20, 2018 4:18 pm) ولسمشر غني وایي؛ ترهګر هڅه کوي، چې …