عاجل خبرونه

په فارياب كې د تېرو دوه ورځو ټاكنيزې مبارزې پيكه وې

(Last Updated On: فبروري 4, 2014)

په فارياب ولايت كې تر اوسه يوازې د دوه نوماندانو اشرف غني احمدزي او گل آغا شېرزي ټاكنيز دفترونه پرانيستل شوي دي.

په فارياب كې واټونه واورو پوښلي او په تېرو دوه ورځو كې د تمې خلاف د ولسمشرۍ د نوماندانو ټاكنيزې مبارزې پيكه دي.

په فارياب كې د ټاكنو خپلواك كميسيون رييس سعيد محمد معصومي وايي، په تېرو دوه ورځو كې يوازې د داكتر اشرف غني احمدزي دفتر په فعاليت پيل كړى او د كمپاين كړنلاره يې ترلاسه كړې ده.

ويل كيږي، چې د ښاغلي احمدزي ټاكنيز دفتر د عبدالرشيد دوستم د ملي اسلامي جنبش گوند د فعالانو له خوا كار پيل كړى.

د دغه دفتر مسوولين له ناامنيو څخه د شكايت په ځاى وايي، ملي اسلامي جنبش په فارياب كې د امنيت په ټينگښت كې له امنيتي ارگانونو سره همكاري كوي.

د فارياب امنيه قوماندان جنرال نبي جان ملاخېل وايي، دوى د گل آغا شېرزي د ټاكنيز كمپاين له دفتر څخه د دفتر د جوړولو مكتوب ترلاسه كړى دى.

جنرال نبي جان ملاخيل زياتوي په فارياب كې د ټاكنو د امنيت په موخه ځانگړې كميټه هم جوړه شوې ده.

جنرال په ډاگه كړه، چې:

په دغه ولايت كې د ټاكنو خپلواك كميسيون د دفتر په لارښوونه؛ كله، چې د يوه نوماند پلويان غونډې جوړوي يا پر دولتي ودانيو تبليغاتي پاڼې ولگوي، شخړه رامنځته كړي او يا نورو نوماندانو ته مزاحمت وكړي تر قانوني پوښتنو لاندې به راشي.

د يادونې وړ ده، چې د تېرو كلونو په پرتله د تبليغاتي حركتونو د لږ تر سترگو كيدو لامل تراوسه څرگند شوى نه دى.

About Ariana News

Check Also

خلیلزاد د ولسمشریزو ټاکنو د ځنډیدو وړداندیز کړی

(Last Updated On: نوومبر 13, 2018) وال ستریت ژورنال په ډاګه کړې، چې، ترمپ د …