عاجل خبرونه

په غزه کې امنیت شوار د اوربند غوښتنه وکړه

(Last Updated On: جولای 28, 2014)

3

د ملگرو ملتونو امنیت شورا د دوشنبې په ورځ( دزمري۶ ) خپله بېړنۍ غونډه په غزه کې د اوربند غوښتنې ته ځانگړې کړه.

په دې بېړنۍ ناسته کې د کوچني اختر په منسبت د اوربند پر غوښتنه ټینگار شوی دی

امنیت شورا له اسرائیلو او حماس غوښتنه کړې، چې په له تاو تریخوالي د نه جوړوږلو هڅه دې وکړي، چې اړو کسانو ته د مرستو رسولو کار تر سره شي.

ملگرو ملتونو ته د فلسطینیانو استازي ریاض منصور ویلي،چې له غزې څخه دې د اسرائیلو پوځیان ووځي.

په ملگرو ملتونو کې د اسرئیلو استازی رون پروسور وايي، له توغندیزو بریدونو د ځان ژغورنې لپاره د اسرائیلو پر حق خبرې نه دي شوي.

له دې مخکې د امریکا ولسمشر بارک اوباما هم په غزه کې د اور بند غوښتنه کړې وه.

د ملګرو ملتونو امنیت شوار دغه ناسته وروسته له هغه تر سره کېږي چې د یکشنبې په ورځ(د زمري۵) په غزه کې ۲۴ ساعته اوربند مات شو او دواړو لوریو پر یو بل د اوربند ماتولو تورونه پورې کړل، چې له دواړو خواوو بریدونه روان دي.

د اسرائيلو لومړي وزير بينيامين نتنياهو ويلي، چې “اسرائيل به هغه څه کوي، چې له خپلو خلکو د دفاع لپاره يې بايد وکړي”.

په دې جگړه کې تر اوسه۱۰۶۰ فلسطينيان وژل شوي، چې ډېر يې ملکيان دي.

اسرائیلو د ۴۳ اسرائيلي سرتېري او دوه ملکيانو وژل منلي دي.

د یادونې وړ ده، چې يو تايلندی هم د تاوتريخوالي په دغو پېښو کې وژل شوی دی.

About Ariana News

Check Also

مولانا حامد الحق د سمیع الحق ځایناستی شو

(Last Updated On: نوومبر 4, 2018) پاکستانیو رسنیو په ډاګه کړې، چې د جمعیت العلماء اسلام …