په غزني كې څلور تښتول شوي تركي انجنيران خوشې شول

(Last Updated On: September 6, 2011)

هغه څلور تركي انجنيران، چې يو كال وړاندې په پكتيا  ولايت كې وسله والو طالبانو تښتولي وه، نن غرمه مهال په غزني ولايت كې خوشي شول .

حاجي ظاهر، چې د يادو انجنيرانو په خلاصون كې ځان منځگړى بولي وايي، چې:

ياد انجنيران د كوچني اختر په وياړ خوشي شوي او د دوى د خوشي كيدو په اړه هيڅ راز معامله تر سره شوې نه ده .

دغه څلورانجنيران، چې د سرك جوړونې په يو  تركي شركت كې يې كار كاوه ؛ وايي، چې:

يو كال وړاندې په دغه تور، چې گواكې ملي اردو ته پوځي اډه جوړوي، د وسله والو طالبانو له خوا وتښتول شول او يو كال يې د دوى په بند كې تېر كړى.

قومي مشرحاجي ظاهروايي:

ياد انجينران د سولې د ټينگښت كميسيون په هلو ځلو خلاص شوي دي .

د يادونې وړ ده، چې شاوخوا درې كاله وړاندې ۲۳ كوريايي وگړي په غزني ولايت كې د وسله والو طالبانو له خوا تښتول شوي وه، چې د شاوخوا شل ميليونو امريكايي ډلرو په بدل كې خوشې شول .

اوس هم داسې گونگوسي موجود دي، چې ياد تركي انجنيران هم د پيسو په بدل كې خوشي شوي دي، خو تر اوسه هيڅ يوې سرچينې په دې اړه څه نه دې ويلي.

About ATN News

Avatar

Check Also

پاکستان د افغانستان د سولې په اړه همکاریو ته لیواله دی- عمران خان

(Last Updated On: June 9, 2019)د پاکستان لومړي وزیر په اسلام آباد کې یوې ناستې …

Leave a Reply

Your email address will not be published.