عاجل خبرونه

په عراق كې له دوه بمي چاودنو څلور وژل شوي او ۲۲ ټپيان دي

(Last Updated On: August 18, 2011 3:14 pm)

د عراق پلازمېنې بغداد ته نږدې د رمادي په سيمه كې د دوه بمي چاودنو له لامله لږ ترلږه څلور كسان وژل شوي او دوه ويشت نور ټپيان دي.

د سيمه ييزو سرچينو په وينا، د پېښې ټپيان نږدې روغتونونو ته ليږدول شوي دي.

تراوسه كومې ډلې د دې پيښې پړه په غاړه نده اخيستې.

د يو شمېررپوټونو له مخې يو تن، چې ويې نه غوښتل نوم يې واخيستل شي، ويلي، چې:

دغه پېښه د جمعې په شپه د لس بجو او ۴۵ دقيقو په خوا وشا كې د حى اسكان په سيمه كې د يوه پوليس افسر كور ته نږدې د بمونو د يوه ځاى پر ځاى شوي بنډل د چاوديدو له لامله رامنځته شوې او په وينا يې ، دوه كسان وژل شوي او د دغه پوليس افسر په گډون دوه ويشت نور ټپيان دي.

د رپوټونو له مخې، دوه يمه چاودنه هغه مهال وشوه، چې له لومړۍ چاودنې وروسته خلك په سيمه كې راټول شوي وه. د سيمه ييزو سرچينو په وينا، له دغو چاودنو سمدستي وروسته امبولانس موټرو ټپيان روغتونونو ته وليږدول او امنتي ځواكونو هم سيمه كلابنده كړې ده.

ولايت الانبار، چې مركز يې د رمادي ښار دى، له پلازمېنې بغداد سره ۱۱۰ كيلو مټره واټن لري.

له يوې مودې راهيسې په عراق كې تاوتريخوالي يو ځل بيا زور اخيستى.

About ATN NEWS

Check Also

د فلورانس توفان د وژل شویو شمېر اوو تنو ته ورسید

(Last Updated On: September 16, 2018 4:30 pm) امریکايي چارواکي خبرداری ورکوي، چې د توپان …

ځواب دلته پرېږدئ

ستاسو برېښناليک به نه خپريږي.