په خوست كې د يوشمېر ولسواليو خلك له دولت څخه وسلې او مهات غواړي

(Last Updated On: January 26, 2013 10:58 am)

د خوست ولايت د موسى خېلو او قلندر ولسواليو يو شمېر ځوانانو د خپلې سيمې د ساتنې لپاره له دولت څخه د وسلو او مهاتو غوښتونه كړې.

قلندراو موسې خېل د خوست په شمال لويديځ كې څنگ په څنگ پرتې غرنۍ ولسوالۍ دي، چې له پكتيا سره اوږده گډه پوله لري او ځنگلونو پوښلې دي.

د دغو ولسواليو يو شمېر ځوانانو د جمعې په ورځ(د سلواغې ۶) د دغه ولايت په امنيه كوماندانۍ كې په ډاگه كړه، چې:

په دغو ولسواليوكې ناامنيو د خلكو ژوند له ستونزو سره مخ كړى او په سيمه كې يې حالات دې ته رسولي، چې وخت ناوخت څوك له كورونو نه شي وتلى.

د دوى په وينا:

د نامعلومو وسله والو گواښونو اړ كړي يو، چې د سيمې د ساتنې لپاره وسلې او مهمات راكړ شي.

د خوست امنيه كوماندان مل پاسوال عبدالقيوم باقي زوى هم مني، چې په يادو ولسواليو كې امنيتي ستونزې شته؛ ځكه، خو دا ځوانان په كليوالي ډول له سيمې څخه د د فاع په موخه د وسلو او مهاتو غوښتنه كوي.

د يادولو وړده، چې څو ځله افغان او بهرنيو ځواكونو په قلندر او موسى خېلو ولسواليو كې پلټونكي عمليات كړي؛ خو له دې سره سره اوس هم د نورو سيمو خلك په ازاد ډول دې ولسواليو ته نشي تلى او له تېرو څلور- پېنځه كاونو راپديخوا په قلندر ولسوالۍ كې  امنيت دې ته رسيدلى، چې ولسوال او اداري كارونكي يې خپلې اداري چارې په خوست ښاركې پرمخ وړي.

About ATN NEWS

Check Also

ترهګر هڅه کوي، چې په هېواد کې مذهبي شخړې پیل شي

(Last Updated On: September 20, 2018 4:18 pm) ولسمشر غني وایي؛ ترهګر هڅه کوي، چې …