په تېرو ۱۵ کلونو کې پر کور جوړونې ۵ میلیارد دالر پانګونه شوې

(Last Updated On: جنوري 20, 2017)

vlcsnap-2017-01-20-16h51m35s178

په ټولو سترو ښارونو په ځانګړي توګه په کابل کې خلک د کورونو د نه لرلو له ستونزې سره مخ دي؛ خو خصوصي سکتور وايي، چې په تېرو پېنځلس کلونو کې  لسګونه پروژې بشپړې شوې دي او په دې برخه کې د پېنځه میلیارد دالرو پانګونه شوې، چې په کې زرګونه کسانو ته د کار زمینه هم برابره شوې ده.

دغه ټولنه نیوکه کوي، چې حکومت په دې برخه کې د خصوصي سکتور هڅونه نه ده کړې.

د ساختماني شرکتونو د ټولنې مرستیال نعیم یاسین وایي،  په هېواد کې خصوصي شرکتونو د کور جوړوني په برخه کې  د څه باندې پېنځه ملیارد دالرو پانګونه کړې؛ خو حکومت  خصوصي سکتور تشویق  کړی نه دی.

کومو پانګوالو، چې د ساختماني پروژو په برخه کې پانګونه کړې وایي، که یې حکومت ملاتړ وکړي، د هېواد نورو سیمو کې هم پانګونې ته چمتو دي.

د سوداګرۍ او صنایعو خوني غړی اعتبار خان ځدراڼ وایي، که د ولت د پانګوالو د هڅونې لپاره کار وکړي؛ مونږ حاضر یو له بهرنیو شرکتو نو سره په ګډه په هېودا کې د کور جوړوني په برخه کې پانګونه وکړو، خو فساد اوس هم د ستونزې په تو ګه پاتې دی.

اقتصادي شنونکي د کور جوړونې په برخه کې پانګونه د هېواد د اقتصاد لپاره اړینه ګڼي.

دوي هم  حکومت ته د ملامتیا ګوته نیسي، چې په ساختماني برخه کې یې د خصوصي سکتور بشپړه هڅونه نه ده کړې.

د اقتصادي چارو شنونکی تاج محمد تلاش وایي، په ښارجوړونې وزارت کې فساد او بیروکراسۍ ستو نزي را جوړې کړي دي.

د هغه په وینا؛ دوی باید د خصوصی سکتور د هڅونې لپاره هغوۍ ته ځمکي ورکړي، چې د هېواد په  بېلابېلو سیمو کې ښارګوټې جوړ او خلک هم پر کارونو اخته شي.

د یادونې وړ ده، چې  د  ښارجوړونې وزارت په دې اړه له څه ږویلو ډډه کړې ده.

خبریال: اسلم حجاب

About Ariana News

Check Also

د کابل پوهنتون د لیلیې زدکوونکیو نښته کړې

(Last Updated On: نوومبر 15, 2018) د کابل پوهنتون دلیلې د محصلینو ترمنځ د پنجشنې …