عاجل خبرونه

په تېرو ديارلسو كلونو كې افغانستان په اقتصادي وده كې ناكام وو

(Last Updated On: مارچ 3, 2014)

د افغانستان د سوداګرې او صنايعو خونې چارواكي او يو شمېر پانګوال ادعا كوي، چې حكومت په دې دوره كې د اقتصادي ودې په موخه ډېر فرصتونه له لاسه وركړي. اداري فساد، د ملي اقتصادي تګلارې نشتوالى، بېخبناوو ته نه پاملرنه او د طبيعي سرچينو په كارونو كې كمزورتيا د دې ناكاميو لامل ګڼل كېږي.

په تېرو ۱۳ كلونو كې په افغانستان كې ۱۲ ميليارد ډالره پانګونه شوې ده، خو دا پانګونه توليدي نه بلكې د خدماتو په برخه كې شوې ده.

د سوداګرې خونې د مديره پلاوي لومړى مرستيال خانجان الكوزى اداري فساد د دغه ناكامۍ لوى لامل ګڼي.

د اداري فساد پروړاندې د مبارزې د څارنې د ګډې كمېټې غړى محمد ياسين عثماني د اداري فساد موجوديت مني، خو په دې برخه كې يو شمېر نور لاملونه هم دخيل ګڼي.

يو شمېر كارپوهان وايي، له افغانستانه د نړيوالو ځواكونو وتل ښيي، چې په دغه هېواد كې اقتصادي وده رښتينې نه ده. دوى وايي، چې د افغان حګومت اقتصادي پلانونه ناكام دي او د دوام وړ نه دي.

په همدې وخت كې يو شمېر پانګوال او د سوداګرې خونه د دې ستونزو د حل له پاره راتلونكي حكومت ته هيله من دي، خو وايي چې د حكومت د كاري دورې په پاتې دريو مياشتو كې نا شونې ده، چې ستونزې حل شي.

دا په داسې حال كې ده، چې اوس افغان پانګوال د ولسمشرۍ له نوماندانو څخه د خپلو غوښتنو د فهرست د چمتو كولو هڅه كوي.

About Ariana News

Check Also

چابهار د افغانستان د سوداګرۍ لپاره ډېر اړین بندر دی- د سوداګرۍ خونه

(Last Updated On: نوومبر 5, 2018) د سوداګرۍ خونې مسوولین د افغانستان د صادراتو او …