په ترکیه کې چاودنو ۱۹۵ کسانو ته مرګ و ژوبله اړولې

(Last Updated On: December 11, 2016)

47148-zbhlhvndxq-1481422135

د ترکیې په استانبول ښار کې ددوه پرلپسې چاودنو له کبله ۲۹ کسان وژل شوي او ۱۶۶نور ټپيان دي.

لومړۍ چاودنه یو ځانمرګی برید و، چې د پولیسو له یوه بس سره نږدې رامنځته شوې، چې ډېر قربانیان یې پولیس دي.

د راپورونو له مخې؛ چاودنه په استانبول ښار کې د ترکیې لوبغالي ته څېرمه د فوتبال له یوې لوبي وروسته هغه مهال را منځته شوې، چې د لوبي نندارچیان له لوبغالي وتلي وه او پولیسو په سیمه کې د امنیت څارنه کوله.

د ترکیې کورنیو چارو وزارت ویلي؛ بله چاودنه له چاودیدونکیو توکو د ډک موتر وه، چې د پولیسو د وژلو په هدف چول شوی دی.

تر دې دمه کومې ډلې یا سازمان ددغو چاودنو پړه نه ده منلې؛ خو پولیسو د یکشنبې په شپه(دسمبر ۱۰مه) ویلي؛  چې د چاودنو په تړاو یې ۱۰ شکمن کسان نیولي دي.

د ترکیې ولسمشر رجب طیب اردوغان دواړه چاودنې “ترهګریزې” وبللې او ویلي یې دي، چې هدف یې پولیس او عام خلک ول.

د یادونې وړ ده، چې چاودنو او تاوتریخوالي په ترکیه کې له کودتا وروسته ډېرې شوي او خلک یې اندېښمن کړي دي. 

About Ariana News

Avatar

Check Also

په غزني کې د طالبانو د رسنیو چلوونکی نیول شوی

(Last Updated On: June 18, 2019)د غزني سیمه ییزو چارواکو په ډاګه کړې، چې امنیتي …