په بغلان کې د چرګانو دوه فارمونه جوړ شول

(Last Updated On: September 21, 2016)

vlcsnap-2016-09-21-17h08m32s211

د بغلان په دوو ولسوالیو کې د چرګانو د ساتنې د فارمونو لومړني کارونه د اتو میلیون افغانیو په ارزښت تر سره شوي دي.

د کرنې او مالدارۍ ادارې مسولین وایي، دا پروژه بېوزلو ښځو ته په پام کې نیول شوې او ټاکل شوې د کرنې وزارت څه باندې څلوېښت میلیونه افغانۍ د چرګانو د ساتنې په برخه کې بغلان ته ځانګړې کړي.

د کرنې وزارت د مرکزي بغلان او دوشي ولسوالیو، په شمال ختیځ زون کې د مالدارۍ د ملي پروګرام له لارې د چرګانو د ساتنې دوولس فارمونه جوړوي چې د مسولینو په وینا د دې پروژې لومړني کارونه بشپړ شوي دي.

په شمال ختیځ زون کې د کرنې وزارت د مالدارۍ د پروژې مسول محمدغلام ملاخېل وایي چې د دې پروژې په تطبیق سره دغو دوو ولسوالیو کې د بېوزلو ښځو اقتصادي ستونزې لرې کېږي.

ملاخېل زياتوي: “که د چرګانو د ساتنې دغه پروژه بغلان کې نتیجه ورکړي، هوډ لرو چې ټولو ولایتونو کې یې تطبیق کړو.”

About Ariana News

Avatar

Check Also

داکترعبدالله افغان شموله حکومت اعلان کړ

(Last Updated On: February 19, 2020)له هغې وروسته، چې د ټاکنو خپلواک کمیسیون د دولت …