عاجل خبرونه

په بامیانو کې د ډبرو سکرو د قاچاق مخه نیول شوې

(Last Updated On: اکتوبر 14, 2016)

vlcsnap-2016-10-14-15h37m47s196

د بامیانو والي وايي، په دې ولایت کې د ډبرو سکرو له کان څخه د ناقانونه  کیندنو مخنیوی شوی دی.

د با میانو والي طاهر زهیر وایي، که پخوا د ډ برو سکرو په برخه کې هر څه تېر شوي هغه به ول؛ خو له کومې ورځې، چې زه  راغلی یم  له هغې ورځې  د  ډ برو سکرو سیمې ته امنیتي ځواکونه استول شوي او له دې  ملي پانګې سا تنه کوي.

هغه په ډاګه کړې، چې بامیان یو کرنیز ولایت دی؛ خو د مواصلاتي لارو د نشتون  له کبله له يې  بزګر له ګڼو ستونزو سره مخ دي.

والي زهیر وایي،  سکتوري وزارتونو په دې  ولایت کې اقتصادي پروژي ندي پلي کړي.

 د هغه په وینا؛ د کرنې او مالدارۍ او کلیو پراختیا وزارتونو  کارونه روان دي؛ خو نورو سکتوري وزارتو نو بامیانو ته هیڅ کار ندي کړی. د فواید عامي وزارت خپل کارونه بیخی په سم ډول ندي تر سره کړي.

نوموړی مني، چې  په تېرکې د انکشافی  پروژو په پلي کولو کې توازن په نظر کي ندی  نیول شوی او یو شمېر ولسوالیو کې بیخی کارندی شوی.

دی زیاتوي؛ د دغې ستونزې د حل لپاره د مفسدو مامورینو له دندې څخه د ګوښه کولو لړۍ روانه شوې او په دې ولایت کې به له دې وروسته د انکشافي  پروژو په پلي کولو کې توازن د پام وړ وي.

خبریال: اسلم حجاب 

About Ariana News

Check Also

خلیلزاد د ولسمشریزو ټاکنو د ځنډیدو وړداندیز کړی

(Last Updated On: نوومبر 13, 2018) وال ستریت ژورنال په ډاګه کړې، چې، ترمپ د …