په افغانستان کې د کاناډایي کورنۍ د آزادیدو پر پوځي ځواک کارکیږي- جک رید

(Last Updated On: December 23, 2016)

vlcsnap-2016-12-23-10h39m43s132

امریکا په افغانستان کې د یوې امریکایي- کاناډایي کورنۍ د آزادیدو لپاره د پوځي ځواک د کارولو غوراوی څېړي.

امریکایي میرمن کیتلان کولمن په ۲۰۱۲ کال کې له خپل میړه جوشوا بویل سره په افغانستان کې تريتم شوې وه. اوس د دوی یوه ویدیو خپره شوې، چې ښیي د طالبانو په برمته کې دي.

په دې ویدیو کې کولمن د امریکا او کانادا له دولتونو غواړي، چې د ژوند ژغورنې لپاره یې اقدام وکړي. د امریکا د پوځي خدمتونو د کمیتې رییس جک رید  ام اس ان بی سی تلویزیون ته ویلي، چې د دغو کسانو د خلاصون لپاره پv دیپلوماتیکو  او پوځي غوراویو کار کیږي.

سناتور جک رید زیاتوي، مونږ په دې اړه د هرې ممکنې وسیلي د څېړلو په حال کې یو؛ څه له دیپلوماتیکې لارې او یا هم له بلې لارې، چې د دغې میرمنې، ماشومانو او میړه د آزادیدو زمینه برابره شي.

د امریکا د بهرنیو چارو وزارت ویاند جان کربي هم وایي؛ پر دې به تمرکز وشي، چې برمته شوي کسان روغ رمټ آزاد کړي.

د امریکا د بهرنیو چارو وزارت ویاند د دې پوښتنې په  ځواب کې، چې طالبانو ویلي؛ له امریکا سره د سولې خبرو ته چمتو دي، که یې غوښتنه ومنل شي، وایي:

ما دغه خبرې نه دي لیدلي؛ خو زه کولی شم هغوی ته ووایم، چې په لیدلوري کې هیڅ څیز نه دی بدل شوی. مونږ د سولې له داسې بهیره ملاتړ کوو، چې مشري یې له افغانانو سره وي. مونږ په دې باور وو او تل به اوسو، چې دا سم سیاست دی. له دې مهمه، چې ولسمشر غني د دغه  سیاست پر سم والي باور لري او مونږ به ترې ملاتړ ته دوام ورکړو.

مخکې له دې حقاني شبکې امریکایي سرتېری باوي برګدال د پېنځه طالب مشرانو د خلاصون په بدل کې آزاد کړ. آزاد شوي طالبان په ګوانتانامو کې بندیان ول.

About Ariana News

Check Also

له یوه امریکايي شرکت سره د بلخاب د مسو د کیندلو تړون لاسلیک شو

(Last Updated On: April 20, 2019)د سرپل سیمه ییز چارواکي وایي، ډېر ژر به د …