عاجل خبرونه

پاکستان اوس هم د ترهګرو له ملاتړه لاس ندی اخیستی- امریکا

(Last Updated On: سپتمبر 20, 2018)

د امریکا د بهرنیو چارو وزارت وايي، پاکستان اوس هم د ترهګرو له ملاتړه لاس ندی اخیستی او په هغه هېواد کې خوندي پټنځایونه لري.

د امریکا د بهرنیو چارو وزارت په کلني راپور کې راغلي؛ د پاکستان حکومت ژمنه کړې وه، چې د افغانستان د سولې له بهیره به ملاتړ کوي؛ خو په خپله خاوره کې یې د ترهګرو په ځانګړې توګه حقاني شبکې په وړاندې اقدام ندی کړی.

په دې راپور کې ویل شوي، چې نه یوازې ایران د افغانستان او منځني ختیځ په ناامنیو کې لاس لري، بلکې حقاني شبکې او طالبانو ته اوس هم  پاکستان خوندي پناه ځای دی.

د امریکا بهرنیو چارو وزارت دا هم په ډاګه کړې، چې د امریکا له فشارونو سره سره اوس هم پاکستان پر خپلو ژمنو عمل ندی کړی.

دغه وزارت څرګنده کړې، چې مونږ نور نه شو کولی په پاکستان کې د ترهګرو ډلو په ځانګړې توګه د طالبانو د پټنځایونو په اړه غلي پاتې شو؛ ځکه، چې دا ډلې سیمې او نورې نړۍ ته ګواښ دي.

سیاسي شنوونکی غلام محی الدین عبادي وایي، امریکا باید د وسلوالو په مخنیوي کې د افغانستان مرسته وکړي او د خوندي تګ راتګ مخه یې ونیسي.          

سیاسي شنوونکی عبدالرشید جانباز وایي؛ هغه اغېر، چې څو کاله وړاندې امریکا پر پاکستان لره؛ اوس ترې بې برخې شوی ده.        

پاکستان تل له امریکا او افغانستان سره په اړیکو کې په دوه ګوني چلند تورن شوی دی. که څه هم د عمران خان په مشرۍ نوي پاکستاني حکومت له افغانستان سره د همکاریو خبره کړې؛ خو په عمل کې څه نه لیدل کیږي.

دا په داسې حال کې ده، چې دونالد ترمپ په دې وروستیو میاشتو کې پر پاکستان فشارونه راوړي، چې د ترهګرو له ملاتړه لاس واخلي؛ خو دا فشارونه داسې ښکاري، چې بې پایلې پاتې شول.

About Ariana News

Check Also

په پکتیا کې ښځې په ټاکنو کې پراخ ګډون نشي کولی-میرمنې

(Last Updated On: اکتوبر 18, 2018) په پکتیا کې میرمنې وايي، د امنیتي ستونزو له …