عاجل خبرونه

پاکستان د ترهګرو ملاتړی او افغانستان یې لوی قربانی دی-افغان حکومت

(Last Updated On: January 2, 2018)

افغان حکومت د امریکا د ولسمشر د وروستي تیوت په اړه وایي؛ نړۍ پوهیدلې، چې پاکستان د ترهګرو ملاتړی او افغانستان د ترهګرۍ لوی قربانی هېواد دی.

د امریکا ولسمشر دونالد ترمپ د نوي میلادي کال پر لومړۍ ورځ پاکستان ته په تېرو کې د امریکا لخوا د ۳۳ میلیارد دالرو ورکړه یو احمقانه کار بللی، چې د ترامپ دغه دریځ په کابل کې له تاوده هرکلي سره مخ شو.

د ولسمشر د ویاند د دفتر سرپرست شاه حسین مرتضوي وایي، واشنګتن د کابل د بهرني سیاست او افغان ځواکونو د قربانیو په پایله کې د اسلام آباد پر وړاندې دغه دریځ نیولی دی.

پاکستان په دې ورځو کې له یو لړ نیوکو سره مخ شوی او غواړي، چې په دي حالت کې ځان یوډول سپین وښیي او په اسلام آباد کې د امریکا سفیر دیوید هالي یې د ترمپ د څرګندونو په اړه بهرنیو چارو وزارت ته راغوښتی دی.

د پاکستان د بهرنیو چارو وزارت هم په خپل تویتر کې د ترمپ د څرګندونو په وړاندې غبرګون وښود.

د پاکستان د بهرنیو چارو وزیر خواجه آصف په ډاګه کړې، چې    

واشنګټن باید په افغانستان کې د شته ترهګرو یا یاغیانو پر وړاندې له دیپلوماسي کار واخلي او له پوځي لارې ګام پورته نکړي. امریکا؛ ځکه په غصه ده، چې په افغانستان کې یې ماته خوړلې، نو باید د مذاکرو لار خپله کړي.

پاکستان، چې دغه شکایتونه نه مني په دې معنا نه ده، چې افغان حکومت پرې باور وکړي.

د اجرائیه رییس د ویاند مرستیال جاوید فیصل وایي، پاکستان ته په تېرو کې د امریکا لخوا د ۳۳ میلیارد دالرو ورکړه په رښتیا هم بې پایلې وه.

د کورنیو چارو پخوانی مرستیال میرزا محمد یارمند ویلي، چې پاکستان د امریکا د سترتیژیک ملګري په توګه ۳۰ میلیارد دالر تر لاسه کړي؛ دولت ترې ګټه پورته کړې او د یو اتومي هېواد شوی دی؛ خو د افغانستان لپاره دا د اندېښنې وړ ده.   

دا په داسې حال کې ده، چې په دي وروستیو کې امریکا پاکستان ته د اووه سوه میلیون دالرو د مرستې ژمنه کړې؛ خو شرط یې دا دی، چې د ترهګرۍ پر وړاندې مبارزه ګړنډۍ کړي.

خبریال: علی اصغري

About Ariana News

Avatar

Check Also

سپینې ماڼۍ د اسامه بن لادن د زوی مرګ ښکاره کړ

(Last Updated On: September 14, 2019)د امریکا ولسمشر دونالد ترمپ ښکاره کړې، چې د القاعده …